એક લગ્નની આખાં વિશ્વમાં ચર્ચા છે. આ લગ્ન કોઈ સામાન્ય માણસના નથી, પણ એક રાજાના છે. થાઈલેન્ડના રાજાએ તેનાથી 26 વર્ષ નાની બોડીગાર્ડ સાથે લગ્ન કરી દુનિયાને ચોંકાવી દીધી છે. શું છે આ દુનિયામાં ચર્ચાતા લગ્નની દાસ્તાન જોઈએ આ રિપોર્ટમાં.
થાઈલેન્ડના રાજા વજીરાલોંગ્કોર્ને પોતાના રાજતિલક પહેલાં એવું કદમ ઉઠાવ્યું કે તેની ચર્ચા આખાં વિશ્વમાં થઈ રહી છે. રાજા વાજીરાલોંગ્કોર્ને પોતાની બોડીગાર્ડ સાથે લગ્ન કર્યા બાદ આખી દુનિયામાં ચર્ચાઈ રહ્યા છે. લગ્નનાં સામે આવેલાં ફૂટેજમાં જોવા મળે છે કે, શાહી પરિવારના અન્ય સભ્યો અને મહેલના સલાહકારો જોવા મળી રહ્યા છે. રાજા વજીરાલોંગ્કોર્ન રાણી સુતિદા પર પાણીનો ચડાવતા જોવા મળી રહ્યા છે. ત્યારબાદ બંને રજીસ્ટર પર પોતાના હસ્તાક્ષર કરતાં પણ જોવા મળી રહ્યાં છે. આમ વિધિપૂર્વક રાજાના તેની બોડીગાર્ડ સાથે લગ્ન સંપન્ન થતાં હોય તેવું જોઈ શકાય છે.
રાજા વજીરાલોંગ્કોર્નની ઉંમર 66 વર્ષ છે. તો રાણી સુતિદાની ઉંમર 40 વર્ષ છે. આમ બંને વચ્ચે ઉંમરનો તફાવત પણ 26 વર્ષનો છે. વજીરાલોંગ્કોર્ન આ પહેલાં ત્રણ લગ્ન કરી ચૂક્યા છે. આ ત્રણ લગ્નથી વજીરાલોંગ્કોર્નના 7 સંતાનો છે. શનિવારે વજીરાલોંગ્કોર્નને સમ્રાટનો તાજ પહેરાવવામાં આવશે, પરંતુ એ પહેલાં જ આ બંનેના લગ્નએ થાઈલેન્ડની જનતાને આશ્ચર્યમાં નાખી દીધી છે.