લાફાકાંડ / હાર્દિક પટેલને લાફો મારનાર યુવક કોણ છે અને ક્યાંનો છે વતની?

હાલ ચૂંટણીનો મહોલ ચાલી રહ્યો છે. તેની સાથે સાથે જુતાકાંડ પણ ચાલી રહ્યું છે. જો કે ગુજરાતમાં ચૂંટણી પ્રચારમાં જુતા કાંડ નહીં પણ તમાચાકાંડ જોવા મળ્યો છે. હજુ તો ગઈકાલે જ GVL નરસિમ્હા રાવ પર કોઈ એક શખ્સે પત્રકાર પરિષદમાં જુતુ ફેંક્યું હતું. આ ઘટનાને લોક હજુ ભુલી શક્યા નથી, ત્યારે પાટીદાર આંદોલન થકી જાણીતા થયેલા અને તાજેતરમાં કોંગ્રેસમાં જોડાનાર હાર્દિક પટેલને એક સભામાં એક શખ્સે તમાચો ચોડી દીધો. આ ઘટના સુરેન્દ્રનગરના બલદાના ગામની છે.

જ્યાં હાર્દિક પટેલ સભા ગજવી રહ્યા હતા. આ સમયે તરુણ મિસ્ત્રી નામના શખ્સે હાર્દિક પટેલને લાફો માર્યો હતો. જોકે બાદમાં આ શખ્સને ઝડપી લેવામાં આવ્યો છે. લાફો મારનાર તરૂણ મિસ્ત્રી કડીના જાસલપુર ગામનો રહેવાસી છે. જોકે લાફો માર્યા બાદ સ્થાનિક લોકોએ તેને ઝડપી લીધો છે અને પોલીસને સોંપી દીધો છે. લાફો મારનાર વ્યક્તિને હાર્દિક સાથે શું દુશ્મની છે. અને શા માટે લાફો માર્યો તે હજુ જાણી શકાયું નથી.

આજે પાસના બંને પૂર્વ કન્વીરોને કડવો અનુભવ થયો છે. એકબાજુ રેશમા પર અજાણ્યા શખ્સોએ હુમલો કર્યો તો બીજી બાજુ હાર્દિક પટેલને એક યુવકે ચાલુ સભામાં જ લાફો ઝીંકી દીધો. સુરેન્દ્રનગરના બલદાણા ગામે આજે સવારે હાર્દિક પટેલ કોંગ્રેસની જનઆક્રોશ સભા સંભોધી રહ્યો હતો. ત્યારે અચાનક જ અજાણ્યા યુવકે લાફો મારી દેતા હોબાળો મચી ગયો હતો. આ ઘટના બાદ સભામાં હાજર લોકોએ યુવકને પકડી અને તેને ઢોર માર માર્યો હતો. અચાનક જ લાફો મારી દેતા હાર્દિક ચોંકી ગયો હતો. ઘટનાબાદ સ્થાનિકોએ હાર્દિકને લાફો મારનારની જોરદાર ધોલાઇ કરી હતી.  લોકોએ શખ્સના કપડાં ફાડી નાંખ્યા.