મહામારી / ગુજરાતનાં રક્ષકોને કોરોના સામે રક્ષણ કોણ આપશે? પોલીસના 300 જવાનો કોરોના સંક્રમિત

• વધતા કોરોનાના કેસની વચ્ચે ફ્રંટલાઈન વોરિયર્સ પણ સંક્રમિત
• ગુજરાત પોલીસના 300 જવાનો નો રિપોર્ટ કોરોના પોઝિટીવ
• 300 જવાનોમાંથી હજુ સુધી કોઈ હોસ્પિટલમાં સારવાર હેઠળ નહીં

ગુજરાત પોલીસના 300 જવાનો નો રિપોર્ટ કોરોના પોઝિટીવ

ગુજરાતમાં ઘાતક કોરોનાના વાયરસના આંકડાઓ કહેર વરસાવી રહ્યા છે. ત્યારે વધુ એક ચિંતાજનક રિપોર્ટ સામે આવ્યો છે કે, કોરોના સામે લડતાં ફ્રંટલાઈન વોરિયર્સ એટલે કે, ગુજરાત પોલીસના 300 જવાનો કોરોનાથી સંક્રમિત થયા છે.  

ગુજરાતમાં બુધવારે વધુ 9941 નવા  કેસ નોધાયા

ઉલ્લેખનીય છે કે, ગુજરાતમાં કોરોના બોમ્બ ફૂટ્યો હોય તેવુ લાગી રહ્યું છે. બુધવારે વધુ 9941 કેસ સામે આવતા ત્રીજી લહેરની ઘાતક શરૂઆત થઈ ગઈ છે. સૌથી વધુ અમદાવાદમાં 3904 કેસ સામે આવ્યા છે જ્યારે સુરતમાં 2770 કેસ તો વડોદરામાં 862 કેસ અને રાજકોટમાં 375 કેસ સામે આવ્યા છે. ગાંધીનગરમાં 244 કેસ, ભાવનગરમાં 156 કેસ સામે આવતા તંત્ર સતર્ક બની ગયું છે. રાજ્યમાં બુધવાર સુધી 3,449 દર્દીઓ કોરોનાને માત આપી હેમખેમ ઘેર પરત ફર્યા છે. જ્યારે 51 દર્દીઓ વેન્ટિલેટર પર સારવાર લઈ રહ્યા છે.  રાજ્યમાં એક્ટિવ કેસની સંખ્યા 43726 પર પહોંચી ગઈ છે. અત્યાર સુધી રાજ્યમાં 10,137 લોકોના મૃત્યુ તો કુલ 8,31,855 લોકોએ કોરોનાને મ્હાત આપી છે. રાજ્યમાં 3.02 લાખ લોકોને વેક્સિન અપાતા કુલ 9.41 કરોડ રસીના ડોઝ આપી દેવામાં આવ્યા છે.