દિલ્હી: દેશની મોદી સરકારને 4 વર્ષ થવા આવ્યા છે અને હવે 2019ની ચૂંટણીના રાહ જોવાઈ રહી છે ત્યારે એક ખાનગી સર્વેમાં સામે આવ્યું છે કે 2019માં ફરી એકવાર મોદી સરકાર બની શકે છે. જો કે સર્વેમાં એવું પણ કહેવાયું છે કે ભાજપને સરકાર બનાવવા માટે કોઈ પાર્ટીનો સહકાર લેવો પડશે.
ખાનગી સર્વેમાં લોકોની વચ્ચે જઈને પ્રશ્નો પૂછવામાં આવ્યા હતા કે શું લોકો સરકારના કામકાજથી કેટલા ખુશ છે ?. શું તેઓ ફરી ભાજપને મત આપવા તૈયાર છે ? શું નરેન્દ્ર મોદી અને રાહુલ ગાંધીની લોકપ્રિયતામાં કોઈ અંતર આવ્યું છે ?.
આ તમામ સવાલોને લઈ એક સર્વે કરવામાં આવ્યો હતો જેમાં સામે આવ્યું છે કે 2019માં ફરી એકવાર NDAની સરકાર બની શકે છે. 2014ની ચૂંટણીની વાત કરીએ તો NDAને 323 બેઠકો મળી હતી જ્યારે UPA માત્ર 60 બેઠક પર અટકી ગયું હતું. પરંતુ જો આજે ચૂંટણી થાય તો NDAને બહૂમત મળી શકે છે અને બે તૃતિયાંશ બહૂમતિથી માત્ર 2 બેઠક વધારે મળી શકે છે એટલે કે NDAને 274 બેઠક મળવાનું અનુમાન છે.
આ સર્વે મુજબ UPAને 164 બેઠક મળી શકે છે તો અન્ય પાર્ટીઓના ખાતમાં 105 બેઠકો જઈ શકે છે. જો તમામ પાર્ટીઓ એક સાથે મળીને ચૂંટણી લડે તો કાંટે કી ટક્કર જોવા મળી શકે છે તો મત ટકાવારીની વાત કરીએ તો ભાજપને 32 ટકા અને અન્ય સહયોગીયોને 5 ટકા મત મળી શકે છે. જ્યારે કોંગ્રેસને 25 ટકા અને તેના સહયોગીઓને 6 ટકા મત મળી શકે છે. તો હાલ 40 ટકા લોકો હાલ મોદી સરકારને પસંદ કરી રહ્યા છે.