ક્રિકેટ / ટીમ ઈન્ડિયાના નવા સેન્ટ્રલ કોન્ટ્રાક્ટમાં કોને થશે ફાયદો? આ 5 ખેલાડીઓ બહાર થશે

ટીમ ઈન્ડિયાના ખેલાડીઓ માટે એક નવો સેન્ટ્રલ કોન્ટ્રાક્ટ આવવાનો છે. જેના હેઠળ તેઓ આગામી એક વર્ષ માટે BCCI સાથે કરાર કરશે. નવા સેન્ટ્રલ કોન્ટ્રાક્ટમાં ઘણા ફેરફારો જોઈ શકાય છે. એવું લાગે છે કે 5 ખેલાડીઓ સીધા જ બહાર થઈ જશે. ચેમ્પિયન્સ ટ્રોફી જીત્યા પછી પણ નવા કરારમાં રોહિત શર્મા અને વિરાટ કોહલીને ડિમોટ કરવામાં આવે તેવી શક્યતા વર્તાઇ રહી છે. BCCI ના વર્તમાન સેન્ટ્રલ કોન્ટ્રાક્ટમાં ગ્રેડ A પ્લસમાં 4 ખેલાડીઓ છે - રોહિત શર્મા, વિરાટ કોહલી, જસપ્રીત બુમરાહ અને રવિન્દ્ર જાડેજા.

રોહિત-વિરાટ-જાડેજાને ડિમોટ કરવામાં આવશે!

ગ્રેડ A પ્લસ એવા ખેલાડીઓને સ્થાન આપે છે જે ત્રણેય ફોર્મેટમાં ટીમના સ્ટાર ચહેરા છે. ગ્રેડ A પ્લસ ખેલાડીઓને BCCI તરફથી વાર્ષિક 7 કરોડ રૂપિયા મળે છે. પરંતુ રોહિત, વિરાટ અને જાડેજાએ હવે એક-એક ફોર્મેટ છોડી દીધું હોવાથી આ ત્રણેય ખેલાડીઓ ગ્રેડ A પ્લસમાંથી બહાર થઈ જશે તે નિશ્ચિતપણે માનવામાં આવે છે. નવા કરારમાં તેઓ ગ્રેડ Aનો ભાગ રહેશે કે ગ્રેડ Bનો ભાગ રહેશે તે સંપૂર્ણપણે BCCIના હાથમાં છે.

આ 4 ખેલાડીઓ નવા કરારમાંથી બહાર..?

બીસીસીઆઈના હાલના સેન્ટ્રલ કોન્ટ્રાક્ટમાં ગ્રેડ A માં કુલ 6 ખેલાડીઓ છે. જેમાં અશ્વિન, મોહમ્મદ સિરાજ, મોહમ્મદ શમી, કેએલ રાહુલ, શુભમન ગિલ અને હાર્દિક પંડ્યા છે. આ ગ્રેડના ખેલાડીઓને BCCI તરફથી દર વર્ષે 5 કરોડ રૂપિયા મળે છે. પરંતુ હવે આવનારા નવા કરારમાં અશ્વિનને બાકાત રાખવામાં આવશે જે પહેલાથી જ નિવૃત્તિ લઈ ચૂક્યો છે. તો સિરાજને પદભ્રષ્ટ થતા જોવા મળી શકે છે. તેનો અર્થ એ કે તેઓ ગ્રેડ A થી ગ્રેડ B માં જઈ શકે છે.

તો બીજી તરફ BCCIના વર્તમાન સેન્ટ્રલ કોન્ટ્રાક્ટમાં ગ્રેડ B માં 5 ખેલાડીઓ અને ગ્રેડ C માં કુલ 15 ખેલાડીઓ છે. આ બે ગ્રેડમાં કુલ 4 ખેલાડીઓ નવા સોદામાંથી બહાર રહેવાની શક્યતા છે. બહાર પડેલા ચાર ખેલાડીઓ ગ્રેડ C ના છે. જેમના નામ કેએસ ભરત, અવેશ ખાન, રજત પાટીદાર અને જીતેશ શર્મા છે. બીસીસીઆઈના સેન્ટ્રલ કોન્ટ્રાક્ટમાં ગ્રેડ Bના ખેલાડીઓને 3 કરોડ રૂપિયા અને ગ્રેડ સીના ખેલાડીઓને 1 કરોડ રૂપિયા મળે છે.

બધુ વાંચો: 'તેની કારકિર્દી ખતમ થઈ જશે...',બુમરાહને લઈને આ ખેલાડીએ આપી દીધી ચેતવણી

નવા સેન્ટ્રલ કોન્ટ્રાક્ટમાં જોને થશે ફાયદો?

બીસીસીઆઈ દ્વારા બહાર પાડવામાં આવનાર ટીમ ઈન્ડિયાના નવા સેન્ટ્રલ કોન્ટ્રાક્ટમાં કોણ ખેલાડીઓને સ્થાન મળશે? તો તે ખેલાડીઓમાં, ગિલ, યશસ્વી અને અક્ષર એ ત્રણ ખેલાડીઓ હશે જેમને પ્રમોશન મળી શકે તેમ છે. આનો અર્થ એ થયો કે તેમના ગ્રેડમાં ફેરફાર કરીને તેઓ મોટા નાણાકીય લાભ મેળવી શકે છે. ગિલને ગ્રેડ A થી A પ્લસમાં મૂકી શકાય છે. જ્યારે યશસ્વી અને અક્ષરને ગ્રેડ B થી ગ્રેડ A માં બઢતી મળી શકે છે. આ ઉપરાંત શ્રેયસ ઐયરને પણ લાભ મળી શકે છે. આનું કારણ એ છે કે તેને શિસ્તના મુદ્દે પાછલા સેન્ટ્રલ કોન્ટ્રાક્ટમાંથી બહાર રાખવામાં આવ્યો હતો. પરંતુ આ વખતે તેણે પોતાના પ્રદર્શનથી તે સ્થાન પાછું મેળવ્યું છે. અને બીસીસીઆઈ પણ આ વાતથી વાકેફ છે. ઐયર ઉપરાંત હર્ષિત રાણા, વરુણ ચક્રવર્તી પણ એવા ખેલાડીઓમાં સામેલ હશે જેમને નવા સેન્ટ્રલ કોન્ટ્રાક્ટમાં સ્થાન મળશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ