સ્ટાર સિદ્ધાર્થ-કિયારાનાં લગ્ન થવા જઈ રહ્યાં છે ત્યારે બોલિવૂડની આ ફેમસ મહેંદી ક્વિન પોતાની કળાથી દુલ્હનનાં હાથો પર પ્રેમીનું નામ લખશે...
સિદ્ધાર્થ-કિયારાનાં લગ્નનાં ઢોલ વાગશે
દુલ્હનનાં હાથો પર મહેંદી ક્વિન લગાવશે મહેંદી
અનેક સેલિબ્રિટીઝનાં હાથો પર તેણે સજાવી છે મહેંદી
સિદ્ધાર્થ મલ્હોત્રા અને કિયારા અડવાણી ટૂંક સમયમાં લગ્નના બંધનમાં બંધાઈ જશે. તેવામાં આ ફેમલ કપલનાં લગ્નમાં દુલ્હન શું પહેરશેથી માંડીને લગ્નમાં શું કાર્યક્રમો થશે તે જાણવાની ફેન્સ આતુરતાથી રાહ જોતા હોય છે. ત્યારે તમે જાણીને ચોંકી જશો કે દુલ્હન કિયારાના હાથ પર સિદ્ધાર્થના નામની મહેંદી કોણ લગાવવા જઈ રહ્યા છે...
બોલિવૂડની મહેંદી ક્વીન લગાવશે મહેંદી
બોલીવૂડ અભિનેત્રી કિયારા અડવાણીના હાથ પર મહેંદી અન્ય કોઈ નહીં પરંતુ બોલિવૂડની મહેંદી ક્વીન વીણા નાગડા લગાવશે.વીણા નાગડા એક સેલિબ્રિટી મહેંદી કલાકાર છે. જેઓ અગાઉ બોલીવૂડ એક્ટ્રેસ કેટરિના કૈફ અને દીપિકા પાદુકોણ સહિત અનેક સુંદરીઓને તેમના સાજનના નામની મહેંદી લગાવી ચૂક્યા છે.
વીણાએ શેર કર્યા ફોટોઝ
લોકોને કિયારા-સિદ્ધાર્થની વેડિંગ સેરેમનીની તમામ માહિતીઓ જાણવાની તાલાવેલી રહે છે ત્યારે આ મહેંદી ક્વીન વીણાએ તેના ચાહકોને ખુશ કરી દે તેવી કેટલીક તસવીરો પોતાના ઇન્સ્ટાગ્રામ એકાઉન્ટ પર શેર કરી હતી અને લખ્યું કે તેઓ રાજસ્થાન જઈ રહ્યાં છે.
અનેક સેલિબ્રિટીઝને મહેંદી લગાવી છે વીણાએ
વરુણ ધવનની પત્ની નતાશા દલાલને પણ લગ્નમાં મહેંદી લગાવનાર વીણા નાગડા જ હતા. સેલિબ્રિટીઝને મહેંદી લગાવતી વખતે વીણા અવારનવાર પોતાની તસવીરો સોશિયલ મીડિયા પર ચાહકો સાથે શેર કરે છે.વીણા માત્ર વાસ્તવિક જ નહીં પરંતુ ફિલ્મોમાં પણ મહેંદી લગાવવા માટે નિર્માતાઓની પહેલી પસંદ છે.