બોલિવૂડ / સુશાંત સિંહ રાજપૂતને ફોન કરીને કોણ હેરાન કરતું હતું? આ નામ આવ્યુ સામે

• કોણ કરતુ હતુ સુશાંતને હેરાન
• કોલ ડિટેલ્સ આવી સામે
• રિયાની ઇડીએ કરી પૂછપરછ

સુશાંતના મોતને લઇને મોટો ખુલાસો થયો છે,  આત્મહત્યાને લઇને ઉઠતા સવાલોમાં નવો ટ્વિસ્ટ આવ્યો છે. 20 જાન્યુઆરીએ 3 કોલ, 21 જાન્યુઆરીએ 5 કોલ, 22 જાન્યુઆરીએ 3 કોલ. દાવો છે કે આ જ રીતે સવાર સાંજ રિયાના કોલ્સ સુશાંતને હેરાન કરતા હતા. 

તેમના કોલ રેકોર્ડ્સ મળ્યા છે જે આ જ વર્ષના છે, 20થી 24 જાન્યુઆરી જ્યારે સુશાંત બાય રોડ તેમની દીદી સાથે ચંદીગઢ જઇ રહ્યા હતા ત્યારે રિયાએ 25 ફોન કર્યા હતા. ક્યારેક 2 મિનીટ વાત થઇ તો ક્યારેક 5 મિનીટ. આ ફોન કોલ્સ દર્શાવે છે કે સુશાંત રિયાથી દુર તેના પરિવાર સાથે વિતાવા માંગતા હતા પરંતુ રિયાને તે મંજૂર ન હતું. 2019માં સુશાંત તેમની 3 બહેનો સાથે  ચંદીગઢ જવા માંગતા હતા, ટીકીટ પણ બૂક થઇ ગઇ હતી પરંતુ રિયાએ સુશાંતને જવા ન દીધા. 

સુશાંતના પિતા કેકે સિંઘે રિયા વિરુદ્ધ ફરિયાદમાં કહ્યું છે કે, તે સુશાંતના પરિવારના ફોન કોલ પણ ઉપાડવા દેતી નહોતી. રિયા સુશાંતને પાગલખાનામાં મોકલવાની વાત કરતી હતી તો ક્યારેક તેના ખાતામાંથી પૈસા ઉપાડી લેતી હતી. 

રિયાને લઇને મોટા મોટા ખુલાસા થઇ રહ્યાં છે, ત્યારે ઇડીએ રિયાને પૂછપરછ માટે બોલાવી હતી. રિયા શોપિંગ, મેક-અપ, ફ્લાઇટની ટીકિટ્સ, હોટલ બીલ વગેરેના પૈસા સુશાંત પાસેથી લેતી હતી. 

ઇડીએ મની લોન્ડ્રીંગ કેસમાં રિયા તેના ભાઇ શોવિક અને માતા પિતા વિરુદ્ધ કેસ નોંધાયો હતો.