કોરોના વાયરસ / WHOની ભારતને ચેતવણી : ‘ડેલ્ટા’ વેરિએન્ટનો ઉલ્લેખ કરતા કહ્યું, ઉતાવળમાં ન હટાવો પ્રતિબંધ, કેમ કે...

• કોરોના પ્રતિબંધ જલ્દી હટાવવું ખતરનાક સાબિત થઈ શકે
• ડેલ્ટા સ્ટ્રેન હવે ચિંતાનું કારણ બની રહ્યો છે
• ઝડપથી ફેલાઈ શકે છે આ વેરિએન્ટ - WHO

કોરોના પ્રતિબંધ જલ્દી હટાવવું ખતરનાક સાબિત થઈ શકે

વિશ્વ સ્વાસ્થ્ય સંગઠન (WHO)ચીફ ટેડ્રોસ અધાનોમ ગેબ્રેયાસસે કોરોના પ્રતિબંધ જલ્દી હટાવવાને લઈને ચેતવણી આપી છે.  તેમણે કહ્યુ છે કે ડેલ્ટા વેરિએન્ટ સહિત અન્ય ચિંતાજનક વેરિએન્ટના વધતા સંક્રમણને જોતા કોરોના પ્રતિબંધ જલ્દી હટાવવું ખતરનાક સાબિત થઈ શકે છે. તેમણે કહ્યુ કે બીજી લહેરથી લગભગ 2 મહિના સુધી ખરાબ રીતે હેરાન થયા બાદ ભારતમાં પ્રતિબંધોમાં છુટ શરુ થઈ ગઈ છે. કેટલાક રાજ્યોમાં પ્રતિબંધમાં ઢીલ શરુ થઈ ચૂકી છે તો કેટલીક જગ્યાઓ પર પ્રતિબંધ જારી છે.

ડેલ્ટા સ્ટ્રેન હવે ચિંતાનું કારણ બની રહ્યો છે

આ પહેલા WHOએ કહ્યુ હતુ કે કોરોના ડેલ્ટા સ્ટ્રેન હવે ચિંતાનું કારણ બની રહ્યો છે. ઉલ્લેખનીય છે કે કોવિડનો આ સ્ટ્રેન સૌથી પહેલા ભારતમાં જોવા મળ્યો હતો. ત્યારે આ વેરિએન્ટના 2 અન્ય બે સ્ટ્રેન્સના સંબંધમાં WHOએ કહ્યુ કે હાલમાં ચિંતાની કોઈ વાત નથી. વાયરસ  B.1.617 વેરિએન્ટને ટ્રિપલ મ્યૂટેન્ટ વેરિએન્ટ ગણાવવામાં આવ્યો છે. કેમકે આ ત્રણ લિનીએજ(વંશ)માં વહેચાયેલો છે. સંયુક્ત રાષ્ટ્રની સ્વાસ્થ્ય એજન્સી ગત મહિને સમગ્ર સ્ટ્રેનને વીઓસી એટલે કે વેરિએન્ટ ઓફ કન્સર્ન જાહેર કર્યો હતો.

ઝડપથી ફેલાઈ શકે છે આ વેરિએન્ટ - WHO

ઉલ્લેખનીય છે કે કોરોનાના ભારતમાં પહેલી વાર જોવા મળેલા સ્વરુપ બી.1.617.1 અને બી.1.617.2ને હવે ક્રમશઃ ‘કપ્પા’ અને ‘ડેલ્ટા’ના નામથી ઓળખવામાં આવશે. હકિકતમાં વિશ્વ સ્વાસ્થ્ય સંગઠનને કોરોના વાયરસના વિભિન્ન સ્વરુપોની નામાવલીની નવી વ્યવસ્થા જાહેર કરી છે. જે અંતર્ગત વાયરસના વિભિન્ન સ્વરુપોની ઓળખ ગ્રીક ભાષાના અક્ષરોના માધ્યમથી થશે. આ નિર્ણય વાયરસને લઈને સાર્વજનિક વિમર્શના સરળીકરણ કરવા તથા નામો પર લાગેલા કલંકને ભૂસવા માટે કરવામાં આવ્યો છે.