IPLIN
 

એલર્ટ / કોરોનાની આ દવાના ટ્રાયલ પર WHOએ લગાવી રોક, કહ્યું આ દવા...

Team VTV 02:09 PM, 18 Jun 20
Follow us
who stops trial of hydroxychloroquine hcq

WHOએ હાઈડ્રોક્સીક્લોરોક્વીન દવાના ટ્રાયલ પર રોક લગાવી છે. WHOએ કહ્યું કે દેશમાં ટ્રાયલ થયા બાદ પણ આ દવા કારગર સાબિત થઈ રહી નથી. આ માટે તેનું ટ્રાયલ બંધ કરવામાં આવે. હાઈડ્રોક્સીક્લોરોક્લીન દવાના સૌથી વધારે પક્ષમાં અમેરિકાના રાષ્ટ્રપતિ ડોનાલ્ડ ટ્રમ્પ હતા.

  • WHOએ કોરોના મુદ્દે કર્યું આ કામ
  • હાઈડ્રોક્સીક્લોરોક્વીન દવાના ટ્રાયલ પર લગાવી રોક
  • આ દવા કોરોનામાં કારગર નથીઃ WHO 

WHOના એેક્સપર્ટના અનુસાર અમેરિકાના રાષ્ટ્રપતિ ડોનાલ્ડ ટ્રમ્પની તરફથી પોઝિટિવ ઓપિનિયન બાદ પણ આ દવા અનેક ટ્રાયલમાં અને સ્ટડીમાં કોરોનાની સારવારમાં યોગ્ય સાબિત થઈ નથી.WHOએ નક્કી કર્યું કે હાઈડ્રોક્સીક્લોરોક્વીન દવાનું ટ્રાયલ દુનિયાના કોઈ પણ દેશમાં કોઈ પણ કોકરોના દર્દી પર કરાશે નહીં. ન કોઈ દેશ આ દવાના ટ્રાયલને કાયમ રાખશે. 

સ્ટડીમાં સામે આવી છે આ વાત

WHO એક્સપર્ટે જણાવ્યું છે કે અત્યારસુધી જેટલા પણ સ્ટડી થયા છે તેનાથી ખ્યાલ આવે છે કે હોસ્પિટલમાં એડમિટ કોરોના વાયરસના દર્દીના મૃત્યુદરમાં ઘટાડો થયો નથી. પરંતુ કેટલીક જગ્યાઓએ નુકસાન જોવા મળ્યા છે. જે દર્દીઓને આ દવાનો કોર્સ ચાલી રહ્યો છે તેઓ તેને પૂરો કર્યા બાદ જ બંધ કરે. 


બ્રિટનમાં આ પરિણામ મળ્યું જોવા

બ્રિટનમાં ચાલી રહેલી રિકવરી નામના ટ્રાયલમાં આ પરિણામ આવ્યું કે એન્ટી મલેરિયા ડ્રગ હાઈડ્રોક્સીક્લોરોક્વીનનું કોરોના પોઝિટિવ દર્દીઓની સારવારમાં કોઈ યોગદાન નથી. તેનાથી દર્દીઓને કોઈ ફાયદો થતો જોવા મળી રહ્યો નથી. 

ઉલ્લેખનીય છે કે 2 દિવસ અગાઉ અમેરિકાની ફૂડ એન્ડ ડ્રગ એડમિનિસ્ટ્રેશને પણ હાઈડ્રોક્સીક્લોરોક્વીનના ઉપયોગ અને ટ્રાયલને રોકવા માટે પક્ષ મૂક્યો હતો.
 

Who Trial Medicine Coronavirus કોરોના વાયરસ હાઈડ્રોક્સીક્લોરોક્વીન ટ્રાયલ બંધ રોક દવા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ