ચિંતા / Covid-19ને લઈને WHOના વિશેષ દૂતની ચેતવણી, કહ્યું હજુ કોરોના વાયરસમાં આવશે વધુ મ્યૂટેશન

• WHOના વિશેષ દૂતની ચેતવણી
• ડેવિડ નબારોએ કર્યો મોટો દાવો
• કોરોનાના નવા મ્યૂટેશન જોવા તૈયાર રહેવું જોઈએ

મળતી માહિતી અનુસાર નબારોએ કહ્યું કે વૈજ્ઞાનિક યૂનાઈટેડ કિંગડમમાં સામે આવેલા કોરોનાના નવા પ્રકારને તપાસી રહ્યા છે. મૂળ વાયરસથી તે 70 ટકા વધારે પ્રભાવી હોવાનું જણાઈ રહ્યું છે જો તે હાલમાં આ સ્ટ્રેનના કારણે વધારે ઘાતક બીમારી કે મૃત્યુદરમાં વઘારો થવાના સંકેત મળ્યા નથી. યૂકે અને દક્ષિણ આયપ્રિકામાં અધિક સંક્રામક સ્ટ્રેન સામે આવી રહ્યા છે. 

દુનિયાભરમાં કોરોનાના સંક્રમણના કેસ 10 કરોડને પાર

આખી દુનિયામાં કોરોનાના કેસની સંખ્યા 10 કરોડને પાર થઈ છે. દુનિયાની 1.3 ટકા આબાદી કોરોના વાયરસથી સંક્રમિત છે અને 21 લાખ લોકોના જીવલેણ બીમારીથી મોત થયા છે. વર્ષની  શરૂઆતથી દર 7.7 સેકંડે એક વ્યક્તિ કોરોના સંક્રમિત થઈ રહ્યો છે. પાંચ કરોડ કેસ થવામાં જ્યાં 11 મહિના લાગ્યાં ત્યાં આ સંખ્યા બમણી થવામાં ફક્ત 3 મહિનાનો સમય લાગ્યો હતો.

બ્રિટનઃ કોરોનાથી 1 લાખ મોત, પહેલો યૂરોપીય દેશ

બ્રિટનમાં કોરોના વાયરસથી થતા મોતની સંખ્યા 1 લાખને પાર થઈ ચૂકી છે. છેલ્લા 7 વર્ષોમાં દેશમાં કોરોનાથી થતા દૈનિક મોતનું પ્રમાણ એક હજારથી વધારે રહ્યું છે. પીએમ બોરિસ જોનસને કહ્યું કે આ મહામારી સામે લડવામાં સરકારના પગલાં જવાબદારી લે છે. તેઓએ કહ્યું કે હું જે કરી શકતો હતો તે મેં કર્યું છે. હું કોરોનાનો શિકાર થનારા દરેક વ્યક્તિના મોતને માટે ક્ષમા માંગું છું.