કોરોનાના નવા વેરિયન્ટ ઓમિક્રોનને કારણે, વિશ્વભરમાં સંક્રમણમાં ઉછાળો જોવા મળ્યો છે. દરમિયાન, વર્લ્ડ હેલ્થ ઓર્ગેનાઈઝેશન (WHO) એ ગુરુવારે જણાવ્યું હતું કે ગયા અઠવાડિયે વિશ્વમાં કોરોનાના 21 મિલિયન કેસ નોંધાયા છે, જે દર્શાવે છે કે આ સમયે કોવિડ-19ની ત્રીજી લહેર કેટલી તીવ્ર છે.
કોરોનાએ વધારી ચિંતા
WHOની ગંભીર ચેતવણી
કહ્યું- ટૂંક સમયમાં નવા વેરિયન્ટની થઈ શકે એન્ટ્રી
વિશ્વભરના સંશોધકો માને છે કે ઓમિક્રોન વેરિઅન્ટ કોવિડનો અંતિમ પ્રકાર નથી. WHOના વૈજ્ઞાનિકોનું માનવું છે કે કોવિડ-19નો બીજો પ્રકાર, જે ઓમિક્રોન કરતાં પણ ઝડપથી ફેલાશે, તે ટૂંક સમયમાં દુનિયામાં જોવા મળી શકે છે.
ટૂંક સમયમાં નવા વેરિયન્ટની એન્ટ્રીના એંધાણ
વર્લ્ડ હેલ્થ ઓર્ગેનાઈઝેશનના એક અધિકારીએ તાજેતરમાં જણાવ્યું હતું કે ઓમિક્રોન(Omicron) ઉપરાંત, વિશ્વમાં ટૂંક સમયમાં એક નવો વેરિઅન્ટ જોવા મળી શકે છે. વૈજ્ઞાનિકનું એવું પણ માનવું છે કે આ નવો વેરિઅન્ટ ઓમિક્રોન(Corona new Variant) કરતાં વધુ ઝડપથી ફેલાઈ શકે છે.
It is not a big ask to wear a mask or practice simple public health measures to help stop the spread of #COVID19.
"It's inconvenient. We know that it's irritating & you're frustrated. We're with you. But stick with us & we will definitely get through this." -@WHO’s @mvankerkhovepic.twitter.com/K0biVZ1LOS
સોશિયલ મીડિયામાં ચર્ચા દરમિયાન WHO વૈજ્ઞાનિક મારિયા વાન કેરખોવે (Maria Van Kerkhove) કહ્યું કે કોવિડ કેસમાં રેકોર્ડ વધારો થયો છે. જો કે, તેમણે કહ્યું કે ઓમિક્રોન કોવિડના અગાઉના પ્રકારો જેટલો જોખમી નથી. તેમણે ચેતવણી પણ આપી હતી કે કોવિડનો આગામી પ્રકાર આના કરતા વધુ ખતરનાક હોઈ શકે છે.
લોકોને ભ્રમમાં ન રહેવાની અપીલ
મારિયાએ કહ્યું કે અત્યારે આખી દુનિયા સામે સૌથી મોટો પ્રશ્ન એ છે કે કોવિડનું આગામી પ્રકાર કેવી રીતે પ્રતિક્રિયા આપશે અને શું તે વધુ ઘાતક હશે કે ઓછું ખતરનાક. તેમણે કહ્યું કે લોકોએ એવા ભ્રમમાં ન આવવું જોઈએ કે સમયની સાથે કોરોનાના વેરિયન્ટ નબળા પડી જશે અને ઓછા લોકો બીમાર પડશે. તેમણે કહ્યું કે અમે આગામી વેરિઅન્ટ ઓછા ખતરનાક હોવાની અપેક્ષા રાખી શકીએ છીએ પરંતુ તેની ખાતરી આપી શકાતી નથી.
WHOના વૈજ્ઞાનિકે કહ્યું કે જ્યાં સુધી કોરોના સંક્રમણ છે ત્યાં સુધી કોવિડ-19 પ્રોટોકોલનો ઉપયોગ કરવો જોઈએ. આ સાથે, તેમણે એમ પણ કહ્યું કે આગામી સંસ્કરણમાં પોતાને રસીથી બચાવવાની ક્ષમતા પણ હશે અને તે ઓમિક્રોન કરતાં વધુ ઝડપે પ્રસારિત થઈ શકશે.