મોટા સમાચાર / ઓક્સફોર્ડની કોરોનાની રસીનું પરિક્ષણ અટકતા, WHOએ કહ્યું કે...

• કોરોનાની સૌથી પહેલી અને જરુરી પ્રાથમિકતા તેની સુરક્ષા હોવી જોઈએ
• લોકોને દવાઓ અને રસી આપતા પહેલા તેની સુરક્ષાની ખાતરી કરવી જરુરી
• WHO એ કહ્યું કે કોઈ પણ હાલતમાં રસીની સુરક્ષાને લઈને કોઈ બાંધછોડ કરવી ન જોઈએ

WHOના મુખ્ય વૈજ્ઞાનિક સૌમ્યા સ્વામીનાથને રોયટર્સ સાથેની વાતચીતમાં જણાવ્યું છે કે કોરોનાની સૌથી પહેલી અને જરુરી પ્રાથમિકતા તેની સુરક્ષા હોવી જોઈએ. તેમણે કહ્યું કે આપણે વેક્સીનને જલ્દી લાવવાની વાત કરીએ છીએ પરંતુ આનો મતલબ એ નથી કે તેની સુરક્ષાને લઈને કોઈ સમજૂતી કરીએ અથવા કાપ મુકી શકાય. રસી બનાવવાની પ્રક્રિયાના તમામ નિયમોનું પાલન કરવું જોઈએ. લોકોને દવાઓ અને રસી આપતા પહેલા તેની સુરક્ષાની ખાતરી કરવી જરુરી છે.

ઉલ્લેખનીય છે કે એસ્ટ્રાજેનેકા  અને ઓક્સફોર્ડ યુનિવર્સિટીની વેક્સીન ની ટ્રાયલના માનવ પરીક્ષણમાં એક વ્યક્તિ બીમાર પડયા બાદ તેને રોકી દેવામાં આવી છે. એસ્ટ્રાજેનેકા દ્વારા આપવામાં આવેલા એક નિવેદનમાં કહેવામાં આવ્યું છે કે આ એક રૂટીન મુજબ રોકવામાં આવ્યું છે, કારણ કે પરીક્ષણમાં સમેલ વ્યક્તિની બીમારીમાં હજુ સમજમાં આવી રહી નથી. 

આ વેક્સીનનું નામ AZD1222 રાખવામાં આવ્યું હતું. WHOના જણાવ્યાં મુજબ દુનિયાના અન્ય વેક્સીન ટ્રાયલના મુકાબલામાં આ સૌથી આગળ ચાલી રહી હતી. ઉલ્લેખનીય છેકે ભારત સહિત કેટલાક દેશોની નજર ઑક્સફોર્ડ યૂનિવર્સિટીની વેક્સીન પર રહેલી છે.