સફળતા / WHOએ દુનિયાની સામે કોરોનાથી સૌથી પ્રભાવિત આ જગ્યાના મોડલની લીધી નોંધ, કહ્યું કોરોનાને રોકવામાં રહ્યું સફળ

• WHOએ વિશ્વ સામે ધારાવી મોડેલની પ્રશંસા કરી
• કોરોનાને લઈને WHOએ કામગીરીની નોંધ લીધી
• ધારાવી આજે કોરોના ફ્રી થવાની નજીક આવી ગયુઃ WHO

WHOએ વિશ્વ સામે ધારાવી મોડેલની પ્રશંસા કરી

વિશ્વ સ્વાસ્થ્ય સંગઠને મુંબઈના સૌથી મોટા સ્લમ વિસ્તાર ધારાવીમાં કોરોનાને કાબૂમાં લેવાનારી ઘટનાની નોંધ લીધી છે અને સાથે જ તેના વખાણ પણ કર્યા છે. WHOએ કહ્યું કે ધારાવીમાં કોરોનાને રોકવા માટે કરાયેલા પ્રયાસના આધારે આજે આ વિસ્તાર કોરોના ફ્રી થવા આવ્યો છે. તેઓએ કહ્યું કે આ રાષ્ટ્રીય એકતા અને વૈશ્વિક એકતાથી સાથે મળીને મહામારીને રોકી શકાય છે. WHOએ મુંબઈની ધારાવીના પ્રયાસોને સક્સેસ મોડલ ગણાવ્યું છે. તેઓએ કહ્યું કે મહામારીનો પ્રકોપ ભલે ગમે તેટલો વધારે હોય પણ ચોક્કસ દિશામાં પ્રયાસ કરીને તેને નિયંત્રણમાં લઈ શકાય છે. 

WHO praises efforts to contain COVID-19 in Dharavi

Read @ANI Story | https://t.co/QGRco8G1By pic.twitter.com/VgLHKcSzSk

— ANI Digital (@ani_digital) July 10, 2020

ધારાવી માટે હતી આવી અટકળ

એશિયાની સૌથી મોટી ઝૂંપડપટ્ટી ધારાવીને લઈને એપ્રિલ અને મે મહિનામાં કહેવાતું હતું કે અહીં કોરોના વિસ્ફોટ થઈ શકે છે. એકાએક વધી રહેલા કેસને લઈને સરકારી તંત્ર પણ ચિંતામાં આવી ગયું હતું પણ આ સમયે 5000 સ્વાસ્થ્ય કર્મીઓની મહેનત રંગ લાવી. જૂન મહિનામાં જ અહીં કેસની સંખ્યા પર કાબૂ મેળવી લેવાયો હતો. અહીં કોરોના સંક્રમણ વધવાનું સૌથી મોટું કારણ વસ્તીની ગીચતા હતી. લગભગ 2.5 લાખ લોકો પ્રતિ સ્કવાયર કિલોમીટરના વિસ્તારમાં ધારાવીમાં રહે છે અને અઢી સ્કવાયર કિલોમીટરની અંદર 7થી 8 લાખ લોકોની આબાદી છે. અહીં રહેનારા લોકોમાં વધારે સંખ્યા શ્રમિકોની છે. 

4T ફોર્મ્યુલા પર ધારાવીએ કર્યું કામ

ધારાવી રાજ્યના શિક્ષામંત્રી વર્ષા ગાયકવાડના અનુસાર કોરોનાનું સંક્રમણ રોકવું એ એક ચેલેન્જ હતી. આ તેઓએ તે કરી દેખાડ્યું છે અને દુનિયાભરમાં મિસાલ બન્યું છે. દેશમાં ધારાવી પેટર્ન લાગૂ કરાય. અહીં 4T ફોર્મ્યુલા અપનાવવામાં આવી હતી. 4T એટલે કે ટ્રેસિંગ, ટ્રેકિંગ, ટેસ્ટિંગ અને ટ્રીટિંગ. જેના કારણે કેસની સંખ્યામાં ઝડપથી અને મોટાપાયે ઘટાડો જોવા મળ્યો છે. હવે રોજ અહીં 10થી પણ ઓછા કેસ જોવા મળે છે. 

5000 રજિસ્ટર્ડ ઉદ્યોગ કાર્યરત

ધારાવીમાં અત્યાર સુધીમાં 2338 કોરોનાના કેસ આવ્યા છે. ગીચ વસ્તીના કારણે 5000 જીએસટી રજિસ્ટર્ડ ઉદ્યોગ છે. બીએમસીના લાયસન્સ પર 15000 સિંગલ રૂમમાં નાની ફેક્ટ્રી કે કારખાના છે. કોરોનાના સંક્રમણથી લગભગ તે મુક્ત થઈ ચૂક્યું છે. તેનું શ્રેય બીએમસીની લોકલ ટીમના સ્વયંસેવી સંગઠનોને મળે છે. જેઓએ રાત દિવસ મહેનત કરીને ધારાવીને કોરોના સંક્રમણ ફ્રી થવાના આરે લાવ્યું છે.