ડેનમાર્કમાં અલગ પ્રકારના SARS-CoV-2 કોરોનાવાયરસના 214 કેસોની ઓળખ થઈ ત્યારથી જ વર્લ્ડ હેલ્થ ઓર્ગેનાઇઝેશને મોટી ચેતવણી આપી છે.
ડેનમાર્કમાં જુદા પ્રકારના SARS-CoV-2 ના અલગ પ્રકારનો કોરોનાવાયરસ
વર્લ્ડ હેલ્થ ઓર્ગેનાઇઝેશને વ્યક્ત કરી ચિંતા
દુનિયાભરમાં નવા પ્રકારનો કોરોના ફેલાવાનો ભય
WHOએ સ્વીકાર્યું છે કે કોરોના વાયરસમાં મ્યૂટેશન જોવા મળી રહ્યું છે અને આ રસી (Covid-19 Veccine) ના તમામ પ્રયાસોને મોટો ઝટકો આપી શકે છે. આ નવા વાયરસના આ કેસો મિંક સાથે સંબંધિત હોવાનું કહેવામાં આવે છે.
નોંધનીય છે કે, રવિવારે વિશ્વમાં કોરોના દર્દીઓની સંખ્યા 5 કરોડને વટાવી ગઈ છે. અત્યાર સુધી 5 કરોડ 3 લાખ 69 હજાર 940 લોકોને ચેપ લાગ્યો છે. રાહતની વાત છે કે 3 કરોડ 56 લાખથી વધુ લોકો ઉપાય થયા છે. હવે 1.34 કરોડ એટલે કે 26.79% દર્દીઓ એવા છે જેનો ઇલાજ ચાલી રહ્યો છે. સંક્રમણને કારણે સમગ્ર દુનિયામાં અત્યાર સુધીમાં 12 લાખ 57 હજાર લોકોએ જીવ ગુમાવ્યા છે.
5 નવેમ્બરમાં આમાંથી 12 મામલાઓમાં ખાસ સ્ટ્રેન મળી આવ્યા
આપને જણાવી દઇએ કે, ગત 5 નવેમ્બરમાં આમાંથી 12 મામલાઓમાં એક ખાસ પ્રકારના કોરોના સ્ટ્રેન મળી આવ્યા છે. આ ખુલાસા બાદ દુનિયામાં નવા ખતરાની આશંકા વ્યક્ત કરવામાં આવી છે. સમાચાર એજન્સી રોયટર્સના રિપોર્ટ પ્રમાણે કોરોનામાં થયેલા બદલાવને લઇને ડેન્માર્કની સરકાર 1 કરોડ 70 લાખ મિંકને મારવાની યોજના બનાવી રહી છે. World Health Organizationના અધિકારીઓનું કહેવું છે કે, મિંક નવા SARS-CoV-2 વાયરસ માટે ભંડાર ગૃહ સાબિત થયેલ છે. ડેન્માર્કમાં કોરોના વાયરસનો અલગ પ્રકારની આ સ્ટ્રેનને કારણે ડઝન જેટલા લોકો સંક્રમિત થયા છે. કોપેનહેગન સ્થિત યુરોપીય કાર્યાલયમાં WHOના અધિકારીઓએ જણાવ્યું હતું કે, દુનિયા માથે વધુ એક આફતના એંધાણ જોવા મળી રહ્યા છે.
દુનિયાભરમાં નવા પ્રકારનો કોરોના ફેલાવાનો ભય
કેથરિન સ્મોલવુડે કહ્યું કે મિંકની વસ્તી માનવમાં આ નવી કોરોના જાતિના ફેલાવવામાં મદદરૂપ સાબિત થઈ શકે છે. ત્યારબાદ, તે મનુષ્યથી મનુષ્યમાં ફેલાવવાનું શરૂ કરશે. આવી સ્થિતિમાં, સવાલો ઉભા થયા છે કે કોરોના ચેપને કાપવા માટે વિશ્વભરમાં કામ કરવામાં આવતી રસી પણ આ બદલાતી જાતિ પર અસરકારક રહેશે કે કેમ. જો આ રસીઓ બિનઅસરકારક સાબિત થાય છે, તો વિશ્વભરમાં મોટું નુકસાન થઈ શકે છે.