ગૂગલે તેમના જન્મદિવસ પર ભારતીય વૈજ્ઞાનિક પ્રોફેસર ઉડુપી રામચંદ્ર રાવને ડૂડલ સમર્પિત કર્યું છે, આ સ્કેચમાં ઉડૂપી રામચંદ્ર રાવની પાછળ પૃથ્વીનો અંતરીક્ષમાંથી દેખાતો ફોટો અને સ્પેસ દેખાઈ રહ્યું છે.
કોણ છે સેટેલાઇટ મેન ઓફ ઈન્ડિયા?
ઉડુપી રામચંદ્ર રાવ ISROના અધ્યક્ષ હતા
ડો.વિક્રમ સારાભાઈના માર્ગદર્શનમાં Phd પૂર્ણ કર્યું હતું
આજે, 10 માર્ચે, જો તમે ગૂગલ પર થોડું સર્ચ કર્યું હોય, તો તમે જોયું હશે કે એક ડૂડલ દેખાય છે. આ ડૂડલ ભારતીય વૈજ્ઞાનિક પ્રોફેસર ઉડૂપી રામચંદ્ર રાવની યાદમાં બનાવવામાં આવ્યું છે. તે તેમના 89 મા જન્મદિવસ પર ડેડીકેટ કરવામાં આવ્યું છે. ઉડૂપી રામચંદ્ર રાવના નેતૃત્વ હેઠળ વર્ષ 1975 માં "આર્યભટ્ટ" ઉપગ્રહ સફળતાપૂર્વક લોન્ચ કરવામાં આવ્યો હતો.
કોણ હતા સેટેલાઈટ મેન ઓફ ઈન્ડિયા ?
યુઆર રાવને ભારતના સેટેલાઈટ મેન તરીકે પણ ઓળખવામાં આવે છે, તેમનો જન્મ કર્ણાટક રાજ્યના અડામરુમાં થયો હતો. તેમના માતાપિતા લક્ષ્મીનારાયણ આચાર્ય અને કૃષ્ણવીની અમ્મા હતા. તેણે પોતાનું પ્રાથમિક શિક્ષણ અડામરુમાં જ કર્યું. તેમણે માધ્યમિક શિક્ષણ ઉડુપીની ક્રિશ્ચિયન હાઇ સ્કૂલથી પૂર્ણ કર્યું. યુ.આર.રાવે સરકારી આર્ટસ અને સાયન્સ કોલેજમાંથી બી.એસ.સી.ની ડિગ્રી મેળવી હતી.
આ સિવાય ઉચ્ચ શિક્ષણમાં અનંતપુરથી MSc બનારસ હિન્દુ યુનિવર્સિટી અને Phd ડો.વિક્રમ સારાભાઇના માર્ગદર્શન હેઠળ તેમણે ફિઝિકલ રિસર્ચ લેબોરેટરી અમદાવાદથી પૂર્ણ કર્યું હતું. વર્ષ 2013 માં, સોસાયટી ઓફ સેટેલાઇટ પ્રોફેશનલ્સ ઇન્ટરનેશનલ દ્વારા પ્રોફેસર રાવને વોશિંગ્ટનના સેટેલાઇટ હોલ ઓફ ફેમનો હિસ્સો બનાવવામાં આવ્યા હતા. આ સિવાય ઇન્ટરનેશનલ એસ્ટ્રોનોમિકલ ફેડરેશન દ્વારા પણ પ્રતિષ્ઠિત 'IAF હોલ ઓફ ફેમ' માં પણ સામેલ કરવામાં આવ્યા હતા.
ભારતના સેટેલાઈટ મેન તરીકે ઓળખાય છે
ઉડૂપી રામચંદ્ર રાવ (10 માર્ચ 1932 થી 24 જુલાઈ 2017) એ ભારતીય અવકાશ સંશોધન સંગઠન ISROના અધ્યક્ષ હતા. તે સિવાય અમદાવાદની ફિઝિકલ રિસર્ચ લેબોરેટરી અને નહેરુ પ્લેનેટોરિયમ, બેંગ્લોર ખાતે અને ઇંડિયન ઇન્સ્ટિટ્યૂટ ફોર સ્પેસ સાયન્સ એન્ડ ટેકનોલોજી (IIST) તિરુવનંતપુરમના પણ અધ્યક્ષ રહી ચૂક્યા છે. આ ક્ષેત્રે તેમના અમૂલ્ય યોગદાનને લઈને 'સેટેલાઇટ મેન ઓફ ઇન્ડિયા' તરીકે પણ ઓળખવામાં આવે છે.
મળી ચૂક્યા છે ઘણા સન્માન
1976 માં,ઉડૂપી રામચંદ્ર રાવને ભારત સરકાર દ્વારા પદ્મ ભૂષણ એનાયત કરાયો હતો. વર્ષ 2017 માં, તેમને પદ્મ વિભૂષણથી નવાજવામાં આવ્યા હતા. આ પછી, 2017 માં, તેમને ભારતનો બીજો સર્વોચ્ચ નાગરિક સન્માન પદ્મવિભૂષણ એવોર્ડ પણ મળ્યો હતો. સોસાયટી ઓફ સેટેલાઇટ પ્રોફેશનલ્સ ઇન્ટરનેશનલના એક સમારોહમાં 19 માર્ચ, 2013 ના રોજ તેમને વોશિંગ્ટનના સેટેલાઇટ હોલ ઓફ ફેમમાં પણ સામેલ કરવામાં આવ્યા હતા અને તે આ કાર્યક્રમમાં ભાગ લેનાર પ્રથમ ભારતીય બની ગયા હતા.
15 મે 2016 ના રોજ, તે ઇન્ટરનેશનલ એસ્ટ્રોનોટીકલ ફેડરેશન IAF માં પણ સામેલ થયા હતા. આ રીતે તે આવી સિદ્ધિ પ્રાપ્ત કરનાર પ્રથમ ભારતીય બન્યા છે. 24 જુલાઈ, 2017 ના રોજ, 85 વર્ષીય ઉડૂપી રામચંદ્ર રાવનું બેંગલુરુમાં અવસાન થયું હતું.