કોરોના વાયરસ / મુકેશ અંબાણી અને ગૌતમ અદાણીમાં સૌથી વધુ દાન કોણે કર્યુ? જાણો બંને પાસે કેટલી સંપત્તિ

• મુકેશ અંબાણી અને ગૌતમ અદાણી કોણ મોટો દાનવીર 
• ભારતમાં સૌથી વધારે દાન કરનાર અઝીમ પ્રેમજી 
• ગૌતમ અદાણીની સંપત્તિ મુકેશ કરતા આ વર્ષે વધી 

હારુન ઇન્ડિયાના પરોપકારી લિસ્ટ મુજબ નાણાકીય વર્ષ 2019-20માં રિલાયન્સ ઇન્ડસ્ટ્રીઝના ચેરમેન મુકેશ અંબાણી અને તેમના પરિવારને 458 કરોડ રૂપિયાનું દાન કર્યુ છે. જ્યારે ગૌતમ અદાણીએ 88 કરોડ રૂપિયાનું દાન કર્યુ છે. 

કોરોનાની લડાઇ શરૂ થઇ ત્યારે અંબાણીની રિલાયન્સ ઇન્ડસ્ટ્રીએ પીએ કેર ફન્ડમાં 500 કરોડ રૂપિયા દાન કરવાનું એલાન કર્યુ હતુ. તો અદાણીએ 100 કરોડ રૂપિયાનું દાન કરવાની જાહેરાત કરી હતી. 

મુકેશ અંબાણીની સંપત્તિ 
જો મુકેશ અંબાણીની સંપત્તિની વાત કરવામાં આવે તો તેમની સંપત્તિ 76 બિલીયન ડૉલરની આસપાસ છે. જ્યારે ગૌતમ અદાણીની સંપત્તિ 32 બિલીયન ડૉલર છે. મહત્વનું છે કે, ગૌતમ અદાણીની સંપત્તિ આ વર્ષે મુકેશ અંબાણીની સરખામણીમાં ઘણી વધી છે અને બંને અરબપતિઓની લિસ્ટમાં ટોપ ભારતીય છે. 

ટોપ દાનવીર અઝીમ પ્રેમજી 
લિસ્ટ પ્રમાણે અઝીમ પ્રેમજી દેશના સૌથી મોટા દાનવીર છે. તેમણે નાણાકીય વર્ષ 2019-20માં 7904 કરોડ રૂપિયાનું દાન કર્યુ છે. આઇટીની દિગ્ગજ કંપની વિપ્રોના ફાઉન્ડર અજીમ પ્રેમજી બાદ બીજા સ્થાને શિવ નાડર છે. શિવ નાડરે 795 કરોડ રૂપિયાનું દાન કર્યુ છે.