તારક મહેતા...માં દયા, જેઠા સિવાય જેઠાલાલની દુકાન ગડા ઇલેક્ટ્રોનિક્સ પણ ખૂબ ફેમસ છે પરંતુ તમને ખબર છે તેનો અસલી માલિક કોણ છે?
ગડા ઇલેક્ટ્રોનિક્સનો અસલી માલિક કોણ ?
જેઠાલાલની દુકાનનું સાચુ નામ શું છે ?
તારક મહેતા...માં કેવી રીતે થાય છે શૂટિંગ ?
છેલ્લા 13 વર્ષથી લોકોનું સતત મનોરંજન કરતો એકમાત્ર શો એટલે તારક મહેતા અને ગોકુલધામ સોસાયટીમાં રહેતા દરેક વ્યક્તિના ફેન ઠેર ઠેર વસેલા છે. 2008થી તારક મહેતા...એ આપણા જમવાનો સમય તેના નામે કરી લીધો છે. ત્યારે આવો જાણીએ ગડા ઇલેક્ટ્રોનિક્સ વિશે.
આ શો લોકોની દિનચર્યા પર આધારિત છે. તેમાં ગોકુલધામ સોસાયટીના મેમ્બર્સ છે અને તેઓ અલગ અલગ પ્રોફેશન સાથે સંકળાયેલા છે. પોપટલાલ પત્રકાર છે તો તારક મહેતા લેખક છે. તે જ રીતે જેઠાલાલની ગડા ઇલેક્ટ્રોનિક્સની દુકાન છે.
રોજ જેઠાલાલ તૈયાર થઇને પોતાની દુકાન ગડા ઇલેક્ટ્રોનિક્સમાં જાય છે અને દુકાનમાં સ્ટાફ પણ છે. નટુ કાકા, બાઘા અને મગન. આ દુકાન મુંબઇની બહાર ખારમાં છે અને શેખર ગડીયાર નામના શખ્સની માલીકીની છે. આ દુકાનનું નામ શેખર ઇલેક્ટ્રોનિક્સ હતું. તારક મહેતા...ને શૂટ માટે ભાડા પર આપે છે પરંતુ ગડા ઇલેક્ટ્રોનિક્સથી ફેમસ થયા બાદ શેખરે પોતાની દુકાનનું નામ ગડા ઇલેક્ટ્રોનિક્સ જ રાખી લીધુ છે.
શેખર જણાવે છે કે પહેલા હું શૂટિંગના કારણે ડરતો હતો કારણકે મને હતુ કે કોઇ વસ્તુને નુકસાન ન પહોંચે પરંતુ આજ સુધી કોઇ વસ્તુને નુકસાન પહોંચ્યુ નથી. અહીં સામાન ખરીદવા કરતા ફેન્સ વધારે આવે છે અને જે લોકો અહીં આવે છે તે ફોટો લેવાનું ભૂલતા નથી.