ભારતની હરનાઝ કૌર સંધુ મિસ યુનિવર્સ 2021 જીતી છે. ઇઝરાયેલના ઇલાતમાં સોમવારે સવારે 70મી મિસ યુનિવર્સ સ્પર્ધા યોજાઇ હતી, જેમાં ભારતની પુત્રી હરનાઝ કૌર સંધુએ મિસ યુનિવર્સનો ખિતાબ જીત્યો હતો. ભારતને 21 વર્ષની લાંબી રાહ બાદ આ ખિતાબ મળ્યો છે. ભારતની મિસ ઈન્ડિયા હરનાઝ કૌર સંધુની સાથે મિસ સાઉથ આફ્રિકા અને મિસ પેરાગ્વે પણ ટોપ-3માં સામેલ થઈ હતી. મિસ પેરાગ્વે ફર્સ્ટ રનર અપ અને સેકન્ડ રનર અપ મિસ સાઉથ આફ્રિકા રહી હતી.અંતિમ રાઉન્ડમાં, ત્રણેય સ્પર્ધકોને પૂછવામાં આવ્યું કે તેઓ સ્પર્ધા નિહાળતી તમામ મહિલાઓને શું સલાહ આપવા માંગે છે. હરનાઝ કૌર સંધુએ આ સવાલનો સુંદર જવાબ આપ્યો અને મિસ મેક્સિકોનો તાજ મિસ ઈન્ડિયાને આપવામાં આવ્યો. આવો જાણીએ કોણ છે હરનાઝ કૌર સંધુ?
વર્ષ 2017માં મિસ ચંદીગઢનો ખિતાબ જીત્યો હતો.
પંજાબના ચંદીગઢની રહેવાસી હરનાઝ કૌર સંધુ હાલમાં 21 વર્ષની છે. તેમનો જન્મ પંજાબના શીખ પરિવારમાં થયો હતો. હરનાઝ કૌન સંધુ ફિટનેસ અને યોગ પ્રેમી છે. હરનાઝે 2017માં મિસ ચંદીગઢનો ખિતાબ જીત્યો હતો. ત્યારથી તેને મિસ યુનિવર્સનો ખિતાબ જીતવાનો શોખ હતો. 2017માં મિસ ચંદીગઢનો ખિતાબ જીત્યા બાદ હરનાઝ કૌર સંધુએ 2018માં એવરી મિસ મેક્સ ઇમર્જિંગ સ્ટાર ઇન્ડિયાનો ખિતાબ પણ જીત્યો હતો. આ બે સ્પર્ધા જીત્યા બાદ હરનાઝે મિસ ઈન્ડિયા 2019માં ભાગ લીધો હતો. જ્યાં તે ટોપ 12માં સ્થાન મેળવવામાં સફળ રહી હતી.
હરનાઝ ટીએનજથી જ દરેક બ્યુટી સ્પર્ધામાં ભાગ લેવાનું શરૂ કર્યુ હતું.
ફિટનેસ અને યોગ લવર હરનાઝ પોતાના ટીનએજથી બ્યુટી કોન્ટેક્સ્ટના દરેક મંચમાં ભાગ લેવાનું શરૂ કરી દીધું હતું. 2017માં હરનાઝે આ મિસ ચંદીગઢનો ખિતાબ જીત્યો હતો. છેલ્લા કેટલાક સમયથી ગ્લેમર વર્લડમાં તેઓ ખુબ એક્ટીવ રહી હતી. હરનાઝ સંધુનો પરિવાર માહોલીમાં રહે છે.
હરનાઝ કૌરે પંજાબી ફિલ્મોમાં કામ કર્યું છે.
હરનાઝ કૌર સંધુને ફિલ્મો ખૂબ જ પસંદ છે. મિસ યુનિવર્સ 2021નો ખિતાબ જીત્યા પહેલા પણ તેની પાસે બે પંજાબી ફિલ્મો હતી. "યારા દિયા પૂ બરન" અને "બાઈ જી કુત્તંગે" એ હરનાઝની બે પંજાબી ફિલ્મો છે જે વર્ષ 2022માં રિલીઝ થશે.
મિસ યુનિવર્સ બન્યા બાદ હરનાઝ કૌન સંધુ રડવા લાગી હતી
શોના હોસ્ટ સ્ટીવ હાર્વેએ મિસ ઈન્ડિયા હરનાઝ કૌર સંધુને મિસ યુનિવર્સ 2021 ની વિજેતા જાહેર કરી, આખું સ્ટેડિયમ આનંદથી ગુંજી ઉઠ્યું. હરનાઝ કૌર સંધુનું નામ વિજેતા તરીકે જાહેર થતાં જ તેની આંખોમાં આંસુ આવી ગયા. મિસ મેક્સિકો એન્ડ્રીયા મેજાએ હરનાઝને મિસ યુનિવર્સ 2021નો તાજ પહેરાવ્યો.