IPLના બીજા તબક્કાની બીજી મેચમાં વિરાટ કોહલીની RCB ટીમને KKR સામે 9 વિકેટે પરાજયનો સામનો કરવો પડ્યો હતો.
જેમિસનની મિસ્ટ્રી ગર્લ કોણ છે?
મૅચમાં સૌથી વધારે ચર્ચા જેમિસનની
કેનેડિયન યુવતી છે નવનીતા ગૌતમ
મેચમાં હાર-જીતથી પણ વધુ ચર્ચા કાઇલ જેમિસનની થઈ હતી. પ્રથમ બેટિંગ કરતા જ્યારે 10મી ઓવરમાં બેંગલુરુનો સ્કોર ચાર વિકેટે 53 રન થઈ ગયો હતો ત્યારે ડગઆઉટમાં બેસીને કાઇલ જેમિસન RCB કેમ્પની એક સુંદર યુવતીને જોઈને સ્મિત કરી રહ્યો હતો. આ તસવીર સોશ્યલ મીડિયા પર ખૂબ વાઇરલ થઈ હતી. લોકો સવાલો પૂછી રહ્યા હતા કે આ મિસ્ટ્રી ગર્લ છે કોણ? ક્રિકેટ ચાહકો એ જાણવા ઉત્સુક હતા કે આખરે આ છોકરી છે કોણ, જેના પરથી કાઇલ જેમિસન નજર હટાવી નહોતો શકતો. હવે આ મિસ્ટ્રી ગર્લ વિશે ખુલાસો થયો છે.
વાયરલ તસવીરમાં જોવા મળેલી છોકરી RCBની મસાજ થેરેપિસ્ટ નવનીતા ગૌતમ છે અને તે કેનેડાની નાગરિક છે. તેનો જન્મ 11 એપ્રિલ 1992ના રોજ વેનકુવરમાં થયો હતો. નવનીતા ગૌતમ 2019માં આરસીબી સાથે જોડાઈ હતી. એ સમયે નવનીતા RCBની પ્રથમ અને એકમાત્ર મહિલા સપોર્ટ સ્ટાફ બની હતી. આ અંગે નવનીતા જણાવે છે કે તેના માટે કોઈ ડ્રીમ જોબથી કમ નથી. આ પહેલાં તે ગ્લોબલ ટી-20 કેનેડા ટૂર્નામેન્ટમાં ટોરન્ટો નેશનલ ટીમ સાથે કામ કરી ચૂકી છે.
29 વર્ષીય નવનીતા ગૌતમ એશિયા કપમાં ભારતીય મહિલા બાસ્કેટ બોલ ટીમની સપોર્ટ સ્ટાફ રહી ચૂકી છે. જ્યારે નવનીતાને પૂછવામાં આવ્યું કે શું RCB ટીમ અને સમગ્ર IPLમાં એકમાત્ર મહિલા સપોર્ટ સ્ટાફ બનવા અંગે કોઈ જાતનો ડર હતો? એ સવાલના જવાબમાં નવનીતાએ કહ્યું, ''બિલકુલ નહીં. આ એવું છે કે 20 ભાઈ હંમેશાં મારી સાથે રહે છે. ધીમે ધીમે, પણ ફેરફાર થઈ રહ્યો છે. જ્યાં સુધી તમારી ટીમના ખેલાડીઓ અને સપોર્ટ સ્ટાફ તમારા કામ પર વિશ્વાસ મૂકે છે ત્યાં સુધી જેન્ડર અંગેની કોઈ મુશ્કેલી નથી, કારણ કે અમે હેલ્થકેર પ્રોફેશનલ્સ છીએ.''