બોલિવૂડ / આ છે કંગનાના વકીલ જે સેલેબ્રિટી લૉયર તરીકે છે જાણીતા, જાણો કોના કોના કેસ લડી ચૂક્યાં છે

• કોણ છે કંગનાના સેલિબ્રિટી લૉયર
• પ્રિયંકા ચોપરાનો પણ લડ્યા છે કેસ
• એક વાર જેલની મુલાકાત પણ લીધી છે

આમ તો રિઝવાન પહેલેથી જ સેલિબ્રિટી વકીલ કહેવામાં આવે છે કારણકે તેમણે ઘણી બધી ફિલ્મી હસ્તીઓના કેસ લડ્યા છે. કંગના વિવાદમાં તેમનુ નામ વધારે બહાર આવ્યુ છે. આ પહેલા પણ તે કંગનાનો કેસ લડી ચૂક્યા છે જેમાં ઋત્વિક રોશને તેમના વિરુદ્ધ કેસ કર્યો હતો. ત્યારે તે આટલા ચર્ચામાં નહોતા આવ્યા જેટલા હાલ તે ચર્ચામાં છે. 

આ એક્ટર્સનો લડી ચૂક્યા છે કેસ
રિઝવાન સિદ્દીકી માત્ર કંગના જ નહી પરંતુ નવાઝુદ્દીન સિદ્દીકી અને પ્રિયંકા ચોપરાનો કેસ પણ લડી ચૂક્યા છે. સૂત્રો અનુસાર રિઝવાનને એક વાર જેલ પણ થઇ હતી. નવાઝની પત્નીએ આરોપ લગાવ્યો હતો કે તેમના કોલ રેકોર્ડ વકીલ કઢાવી રહ્યાં છે. ત્યારે તેમને જેલ થઇ હતી. આ કિસ્સો 2018નો છે.

બીએમસીએ કંગનાની ઓફિસ પર બુલડોઝર ચલાવ્યુ અને તોડફોડ પણ કરી હતી. ત્યારે અભિનેત્રી તરફથી હાઇકોર્ટમાં અરજી આપવામાં આવી હતી. જે બાદ આ તોડફોડ પર રોક લગાવવામાં આવી હતી. તે સિવાય 30 સપ્ટેમ્બર સુધી કોઇ પણ પ્રોપર્ટીને તોડવાની મનાઇ ફરમાવવામાં આવી છે.