વ્યક્તિત્વ / ભારતનો GDP ઘટાડાનો સંકેત આપનાર IMFના ચીફ ઈકોનોમિસ્ટ ગીતા ગોપીનાથ કોણ છે?

• IMFનાં ચીફ ઈકોનોમિસ્ટ તરીકે ફરજ બજાવતા પ્રથમ મહિલા
• હાર્વર્ડનાં અર્થશાસ્ત્ર પ્રોફેસર તથા  કેરલ સરકારનાં આર્થિક સલાહકાર રહી ચૂક્યાં 
• દિલ્હીમાંથી બેચલર ડિગ્રી લીધી

ગીતા ગોપીનાથ ક્યારે IMFનાં ચીફ ઈકોનોમિસ્ટ બન્યા

ગત ઓક્ટૉમ્બરમાં ગીતા ગોપીનાથ IMFના 11માં ચીફ ઈકોનોમિસ્ટ બન્યા છે. એટલે કે તેને મુખ્ય અર્થશાસ્ત્રી બનાવવામાં આવી છે. તેમણે 1 જાન્યુઆરી 2019માં આ હોદ્દો સંભાળ્યો હતો.  આ હોદ્દો સંભાળનાર પહેલી મહિલા બની છે.  તેમને એવા સમયે નાણાં સંગઠનના મુખ્ય આર્થિક સલાહકાર તરીકેની જવાબદારી આપવામાં આવી છે. જ્યારે આર્થિક વૈશ્વિકરણ ઊંધી દિશામાં જઈ રહ્યું છે. ત્યારે તેમની સામે મોટા પડકાર છે. 

હાર્વર્ડનાં અર્થશાસ્ત્ર પ્રોફેસર

47 વર્ષીય ગીતા ગોપીનાથન હાર્વર્ડ વિશ્વવિદ્યાલયમાં અર્થશાસ્ત્ર ભણાવતા રહ્યાં છે. આઈએએમએફમાં મૌરિસ આબ્સ્ટફેલ્ડની જગ્યા લીધી છે. જે 31 ડિસેમ્બરે નિવૃત થયાં હતાં. તે IMFનાં ચીફ ઈકોનોમિસ્ટ અને તેની સાથે જોડાયેલા વિભાગોનાં ડાયરેક્ટર છે. 

 શિક્ષણવિદ તથા કેરલ સરકારનાં આર્થિક સલાહકાર રહી ચૂક્યાં છે.

1 ઓક્ટોબર 2018માં જ્યારે ગીતાને IMFના ચીફ ઈકોનોમિસ્ટનાં પદમ માટે જાહેર કરાયા ત્યારે IMFના તત્ત્કાલીન વ્યવસ્થાપક ડાયરેક્ટર ક્રિસ્ટીન લેગાર્ડે ગીતાને દુનિયાનાં એક વિલક્ષણ અને અનુભવી આર્થિક સલાહકાર ગણાવ્યાં હતાં. ગોપીનાથ જાણીતા શિક્ષણવિદ તથા કેરલ સરકારનાં આર્થિક સલાહકાર રહી ચૂક્યાં છે.

 ભારતમાં ક્યાં જન્મ્યા હતાં

ભારતીય મૂળનાં ગોપીનાથનો જન્મ 8 ડિસેમ્બર 1971માં કોલકત્તામાં થયો હતો પરંતુ શરુઆતનો અભ્યાસ તેમણે મૈસૂર (કર્ણાટક)ના નિર્મલા કોન્વેન્ટ સ્કૂલમાં કર્યો. માતા પિતા મૂળ કેરલનાં કન્નૂરમાં રહેતા હતાં. ગોપીનાથે દિલ્હી સ્કૂલ ઓફ ઈકોનોમિક્સ અને યુનિ. ઓફ વોશિંગ્ટનમાંથી એમએની ડિગ્રી મેળવી. તે હાર્વડ પહેલા યુનિ. ઓફ શિકાગોમાં આસિ. પ્રોફેસર હતાં. તેમણે બેચલરની ડિગ્રી નવી દિલ્હી લેડી શ્રીરામ કોલેજમાંથી લીધી છે. 

ગીતા ગોપીનાથનાં પતિ કોણ છે

તે ભારતનાં નાણામંત્રાલયનાં જી-20 સલાહકાર સમિતીમાં તે મુખ્ય સભ્ય તરીકે ફરજ બજાવી ચૂક્યાં છે. તેમણે 2001માં  આંતરરાષ્ટ્રીય વ્યાપક અર્થશાસ્ત્ર અને વ્યાપાર વિષય પર પ્રિંસટન યુનિ.માંથી અર્થશાસ્ત્રમાં પીએચડી કર્યુ છે. ગીતાનાં પતિ ઈકબાલ ધાલીવાલ ઈકોનોમિક્સમાં ગ્રેજ્યુએશન બાદ 1995માં આઈએએસ ટોપર રહ્યાં છે. તેઓ આઈએએસની નોકરી છોડી પ્રિંસટનમાં ભણાવે છે. હાલ ગીતા પતિ અને એક દિકરા સાથે કોમ્બ્રિજ (યુકે)માં રહે છે.