સુરતના હજીરા હાઈવે પર સત્તા ન હોવા છતાં TRB જવાનો પેટ્રોલ ટેન્કરને રોકી ડોક્યુમેન્ટ માંગતા હોવાનો વિડીયો સામે આવ્યો છે.
હજીરા હાઈવે પર પેટ્રોલ ટેન્કરને રોકતા TRB જવાનો
મીડિયા કર્મીઓ ઘટનાસ્થળે પહોંચતા TRB જવાને કરી ધક્કામુકી
કેમેરાના ભયથી TRB જવાનો રૂમાલથી મોઢું છુપાવતા જોવા મળ્યા
સામાન્ય રીતે ટ્રાફિક પોલીસની મદદ માટે TRB જવાનોને ફરજ સોંપવામાં આવતી હોય છે. જેમણે માત્ર ટ્રાફિકનું નિયમન કરવાનું હોય છે પરંતુ અમુક TRB જવાન પોતાને અધિકારીઓથી કમ ન સમજતા હોવાથી લોકો સાથે ઘર્ષણના અનેક કિસ્સાઓ સામે આવતા હોય છે. આવો જ એક કિસ્સો સુરતના હજીરા હાઈવે પર સામે આવ્યો છે જેમાં સત્તા ન હોવા છતા TRB જવાન ગેરકાયદે કામગીરી કરી પેટ્રોલ ટેન્કરને રોકતા હતા અને વાહનોના દસ્તાવેજ તપાસવાની મંજૂરી ન હોવા છતાં TRB જવાનો વાહનોના દસ્તાવેજ તપાસી રહ્યા હતા.
TRB જવાને મીડિયાકર્મી સાથે કરી ધક્કામુકી
આ મામલે મીડિયા કર્મીઓ પહોંચી જતા TRB જવાન ભીંસમાં મુકાયો હતો. મીડિયાકર્મીઓ ઘટનાસ્થળે પહોંચતા TRB જવાને કરી ધક્કામુકી કરી હતી અને કેમેરાથી મોઢું છુપાવવા ભયથી TRB જવાનો રૂમાલથી મોઢું છુપાવતા જોવા મળ્યા હતા. આ અંગેનો વીડિયો સોશિયલ મીડિયામાં વાયરલ થયો છે. જુઓ વીડિયો..