ડિસેમ્બર 2019માં વાયરસનો સૌથી પહેલો કેસ સામે આવ્યો હતો.
તમામ જવાબ મેળવવા માટે વધારે આગળ અધ્યયન કરવાની જરુર
કોરોના વાયરસની ઉત્પત્તિની તપાસ કરનાપા વિશ્વ સ્વાસ્થ્ય સંગઠન(ડબ્લ્યૂએચઓ)ની વિશેષજ્ઞોની ટીમે કહ્યું કે ઘાતક વાયરસના સ્ત્રોત અંગે હજું સુધી કોઈ માહિતી મળી નથી. તથા સવાલોના જવાબ મેળવવા માટે વધારે આગળ અધ્યયન કરવાની જરુર છે.
ડિસેમ્બર 2019માં વાયરસનો સૌથી પહેલો કેસ સામે આવ્યો હતો
આંતરરાષ્ટ્રીય ટીમની રિપોર્ટ મંગળવારે પ્રકાશિત થઈ. આ ટીમે 14 જાન્યુઆરીએ 10 ફેબ્રુઆરી સુધી ચીનના વુહાન શહેરની મુલાકાત કરી હતી. જ્યાં ડિસેમ્બર 2019માં વાયરસનો સૌથી પહેલો કેસ સામે આવ્યો હતો.
ડબલ્યૂએચઓના મહાનિર્દેશક ડોક્ટર ટેડ્રોસ અઘોનમ ગેબ્રેયેસસે કહ્યું કે જ્યાં સુધી વિશ્વ સ્વાસ્થ્ય સંગઠનનો સંબંધ છે તમામ વિચાર સામે છે. રિપોર્ટ બહુ મહત્વપૂર્ણ શરુઆત છે. અમે હજું વાયરસના સ્ત્રોતને શોધી શક્યા નથી અને આપણે વિજ્ઞાનનું અનુસરણ ચાલુ રાખવું જોઈએ તથા કોઈ કસર બાકી ન રાખવી જોઈએ.
શું છે વિશ્વમાં કોરોનાની સ્થિતિ
ઉલ્લેખનીય છે કે વિશ્વમાં ફરી કોરોનાના દૈનિક કેસમાં વધારો થયો છે. એક દિવસમાં વિશ્વમાં કોરોનાના નવા 5 લાખ 40 હજાર 713 કેસ આવ્યા છે. જ્યારે 10 હજાર 584ના મોત થયા છે. તો કોરોનાના એક્ટીવ કેસની સંખ્યા 2 કરોડ 20 લાખ 57 હજાર 552 છે. કુલ કેસ 12 કરોડ 87 લાખ 88 હજાર 432 થઈ ગયા છે. જ્યારે સારી વાત એ છે કે 10 કરોડ 39 લાખ 15 હજાર 847 લોકો સાજા થઈ ગયા છે. વિશ્વમાં કોરોનાનો કુલ મૃત્યુઆંક 28 લાખ 15 હજાર 33 છે.