કોરોના વાયરસને લઈને ચીન પર આંગળી ચીંધવાની પ્રક્રિયા સતત ચાલુ જ છે. આ સમયે WHOના આપાતકાલીન વિશેષજ્ઞ માઈક રેયાને કેટલાક સવાલો કર્યા છે. તેઓએ કહ્યું છે કે અમારા માટે એમ કહેવું મુશ્કેલ છે કે કોરોના વાયરસ ચીનથી આવ્યો નથી. જ્યારે તેનો પહેલો કેસ ચીનથી જ આવ્યો હતો.
કોરોના વાયરસને લઈને ચીન પર પ્રહાર
WHOના અધિકારીએ આપ્યું નિવેદન
ચીનમાં આવ્યો હતો કોરોનાનો પહેલો કેસ
માઈક રેયાન જેનેવામાં વર્ચ્યુઅસ બ્રિફિંગમાં પોતાની વાત રાખી રહ્યા હતા ત્યારે કોરોના વાયરસના સવાલના જવાબમાં તેઓએ પોતાનો મત રાખ્યો. ઉલ્લેખનીય છે કે કોરોના વાયરસનો પહેલો કેસ ચીનના એક માછલી બજારમાંથી સામે આવ્યો હતો.
“I think it’s highly speculative for us to say that the disease did not emerge in China,” Mike Ryan, World Health Organization’s (WHO) top emergency expert said at a virtual briefing in Geneva after being asked if #COVID19 could have first emerged outside China: Reuters
કોરોનાનો પહેલો કેસ ચીનથી જ સામે આવ્યો અને તેણે આખી દુનિયાને સકંજામાં લીધી. પછી ચીને તેની પર કાબૂ મેળવ્યો અને હવે અમેરિકા, ભારત સહિત દુનિયાના નાના મોટા તમામ દેશો તેનો પ્રકોપ સહી રહ્યા છે. અમેરિકાએ ચીનની વિરુદ્ધ આક્રમક વલણ અપનાવ્યું છે. અમેરિકાના રાષ્ટ્રપતિ ડોનાલ્ડ ટ્રમ્પે WHOથી દેશને અલગ કરી લીધો છે.
ચીનના WHOની તપાસ પહેલાં વુહાનના કોરોના વાયરસનું કેન્દ્ર ગણાવવા પર સવાલ
કોરોના વાયરસની શરૂઆત ક્યાંથી થઈ તે વિશે WHOની તપાસ પહેલાં ચીને શુક્રવારે દાવો કર્યો કે વુહાનમાં કોરોનાનો પહેલો કેસ આવ્યો તેનો મતલબ એવો નથી કે તેની શરૂઆત ચીનના આ શહેરથી થઈ હતી. હાલમાં ચાઈના સરકારના નિયંત્રણ વાળા અનેક મીડિયા સંસ્થાઓએ કહ્યું કે વિદેશથી આવેલી ખાદ્ય સામગ્રીના પેકેટ પર પણ કોરોના વાયરસ મળ્યા છે. ચીને દાવો કર્યો છે કે ભારતથી આવેલી સમુદ્રી માછલીના પેકેટ પર પણ કોરોના વાયરસ મળ્યો છે. આરોપ લગાવાયો છે કે વિદેશથી આવેલા આ પેકેટની મદદથી કદાચ વાયરસ ચીનથી આવ્યો હોય. ચીનમાં સંક્રમણનો પહેલો કેસ આવ્યો એનો મતલબ ક્યાંય એવો નથી કે કોરોના વાયરસની શરૂઆત ચીનમાં થઈ હતી. આ સાથે કહેવાયું છે કે કોરોનાનું સંક્રમણ ક્યાંથી શરૂ થયું તે કહેવું મુશ્કેલ છે.