જનમત એક્સપ્રેસ / બોટાદમાં મતદારોના મતે કોણ છે જીતના હકદાર? લોકોના મનની જાણી આ પક્ષના ઊડી જશે હોશ

• વીટીવીની જનમત એક્સપ્રેસ બોટાદ જિલ્લામાં પહોંચી
• લોકોમાં સ્થાનિક નેતાગીરી પ્રત્યે રોષ
• બોટાદ જિલ્લામાં આ વખતે ખરાખરીનો જંગ જામ્યો 

વીટીવીની જનમત એક્સપ્રેસ સૌરાષ્ટ્રના પ્રવેશદ્વાર તરીકે ઓળખાતા બોટાદ જિલ્લામાં પહોંચી હતી. 2017માં બોટાદ જિલ્લાની બોટાદ બેઠક પર ભાજપે જીત મેળવી હતી તો અનામત એવી ગઢડા બેઠક પર કોંગ્રેસે જીત મેળવી હતી. જો કે, 2021ની પેટાચૂંટણીમાં ભાજપે કોંગ્રેસ પાસેથી બોટાદ જિલ્લાની ગઢડા બેઠક આંચકી લીધી હતી. આ પ્રકારનો મિજાજ ધરાવતા બોટાદ જિલ્લામાં જનમત એક્સપ્રેસ સાથે બરવાળામાં લોકોને મિજાજ જાણવા પ્રયાસ કરવામાં આવ્યો હતો.

બરવાળાના સ્થાનિકો લોકોના મત જાણ્યા બાદ બરવાળાથી બોટાદ, ચિનાઈ માટીના કલાત્મક વાસણો વેચતા લોકોનો મત જાણ્યો હતો. ત્યારબાદ સિઝનલ ફ્રુટ વેચનારા લોકોની વાત જાણી હતી. બાદમાં જનમત એક્સપ્રેસ કષ્ટભંજન દેવ સાળંગપુર ફરી હતી. ત્યારે બોટાદ જિલ્લામાં આ વખતે ખરાખરીનો જંગ જામ્યો હોય તેવો ઘાટ સર્જાયો છે. ખેતીપ્રધાન બોટાદ જિલ્લામાં હીરા ઉદ્યોગ પર પણ અનેક પરિવારો નિર્ભર છે,  બોટાદ જિલ્લામાં હીરા ઉદ્યોગ ઉપરાંત જિનિંગ ઉદ્યોગ પણ અનેક પરિવારોન રોજગારી આપી રહ્યો છે. આ જિલ્લામાં કપાસના ઉત્પાદને જિનિંગ ઉદ્યોગને ટકી રહેવાનું બળ પૂરું પાડ્યું છે. ચૂંટણીને લઈને સ્થાનિક માહોલને પણ પિછાણ્યો, ત્રિપાંખીયા જંગમાં  જનતા કોના પર ભરોસો મૂકીને પોતાની જિંદગીની ધુરા સોંપે છે તે જોવું રહ્યું !