WHO ના વડા ગુજરાત પ્રવાસે આવ્યા છે ત્યારે આજે ગાંધીનગરમાં આજે તેમણે આયુષ એક્સપોર્ટ પ્રમોશન કાઉન્સિલના કાર્યક્રમમાં ગુજરાતીમાં સંબોધન કર્યું હતું.
WHOના વડાને લાગ્યું ગુજરાતીનું ઘેલું
આજેપણ ગાંધીનગરમાં સંબોધનની ગુજરાતીમાં જ કરી શરૂઆત
કહ્યું- મહાત્માની ભૂમિમાં આવીને હું ખુશ છું
ગાંધીનગરના મહાત્મા મંદિર ખાતે PM નરેન્દ્ર મોદીએ ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટનો પ્રારંભ કરાવ્યો હતો, આ પ્રસંગે મોરેશિયસના PM પ્રવિંદ જુગનાથ તથા WHOના મહાનિર્દેશક ખાસ ઉપસ્થિત રહ્યા હતા. જ્યાં તેમણે ગુજરાતીમાં પોતાના સંબોધનની શરૂઆત કરી હતી.
WHOના ડાયરેક્ટર જનરલ ડૉ. ટેડ્રોસ ગેબ્રેયેસસે ગુજરાતી બોલી સૌને મંત્રમુગ્ધ કર્યા
WHOના ડાયરેક્ટર જનરલ ડૉ. ટેડ્રોસ ગેબ્રેયેસસે ગાંધીનગરમાં આયોજીત ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટમાં પોતાના સંબોધનમાં જણાવ્યું હતું કે, હું મહાત્મા ગાંધીની આ ભૂમિમાં આવીને ખુશ છું.
ગઈકાલે જામનગરમાં પણ સ્થાનિકોને ગુજરાતીમાં પૂછ્યું હતું કેમ છો?
જામનગરમાં WHO ગ્લોબલ સેન્ટર ફોર ટ્રેડિશનલ મેડિસિનના ઉદ્ધાટન પ્રસંગમાં પીએમ મોદીની સાથે WHO ચીફ ટેડ્રોસ ઘેબ્રેયેસસ પણ હાજર રહ્યાં હતા. પોતાના ભાષણની શરુઆતમાં જ ટેડ્રોસ ઘેબ્રેયેસસે ગુજરાતીમાં બોલીને લોકોના દીલ જીતી લીધા હતા. ભાષણની શરુઆતમાં જ WHO ચીફ બોલ્યાં કે કેમ છો બધા, મજામાને, તેમણે એવું પણ કહ્યું કે મને ગુજરાત આવીને ઘણુ સારુ લાગ્યું છે. ગુજરાતીમાં વાત કરવાની તેમની આ સ્ટાઈલને લોકોએ તાળીઓના ગડગડાટથી વધાવી લીધી હતી. લોકોને તેમની ગુજરાતી ખૂબ પસંદ પડી.
#WATCH | WHO Director-General Dr Tedros Adhanom Ghebreyesus greets the public in Gujarati during the inaugural ceremony of the WHO-Global Centre for Traditional Medicine in Jamnagar. pic.twitter.com/Mexd6RUXLw
ભારત સાથેનો જુનો નાતો યાદ કર્યો WHO ચીફે
WHO ચીફે ભારત સાથેનો તેમનો જુના નાતો પણ યાદ કર્યો હતો. તેમણે કહ્યું કે હું ભારત સાથે એક વિશેષ નાતો ધરાવું છે. મને ભારતમાંથી જ પરંપરાગત દવાઓ વિશે જાણવા મળ્યું હતું. તેમણે કહ્યું કે આ પ્રસંગે હું મારા તમામ ગુરુજનોનો આભાર પ્રગટ કરું છું.
પીએમ મોદીએ વધાવી તેમની ગુજરાતીમાં બોલવાની સ્ટાઈલને
ઉદ્ધાટન પ્રસંગમાં હાજર રહેલા પીએમ મોદીએ WHO ચીફના ગુજરાતીમાં અભિવાદન કરવાને પીએમ મોદીએ વધાવ્યું હતું અને તેમણે તાળીઓના ગડગડાટથી તેમનું સ્વાગત કર્યું હતું. લોકોએ પણ મન મૂકીને તાળીઓ પાડી હતી.
ભારતીય શિક્ષકોએ મને પરંપરાગત દવાઓ વિશે શીખવ્યું
WHO-ગ્લોબલ સેન્ટર ફોર ટ્રેડિશનલ મેડિસિન એ કોઈ સંયોગ નથી; મારા ભારતીય શિક્ષકોએ મને પરંપરાગત દવાઓ વિશે સારી રીતે શીખવ્યું અને હું ખૂબ આભારી છું. હું પણ 'બોલીવુડ' ફિલ્મો જોઈને મોટો થયો છું અને હું સમજું છું કે સ્વિસ આલ્પ્સ 'બોલીવુડ' ચાહકો માટે પ્રિય સ્થળ છે.
મહત્વપૂર્ણ પહેલને સમર્થન આપવા માટે PM મોદીનો આભાર
WHO ચીફે પોતાના ભાષણમાં કહ્યું કે ગ્લોબલ સેન્ટર ફોર ટ્રેડિશનલ મેડિસિન જે અમે શરૂ કરી રહ્યા છીએ તે પુરાવા આધારિત પરંપરાગત દવાને મજબૂત કરવા વિજ્ઞાનની શક્તિનો ઉપયોગ કરવામાં મદદ કરશે. આ મહત્વપૂર્ણ પહેલને સમર્થન આપવા માટે હું PM મોદી અને ભારત સરકારના નેતૃત્વનો આભારી છું.
3 દિવસ ચાલશે આ સમિટ
ઉલ્લેખનીય છે કે, ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટ આગામી 3 દિવસ સુધી ચાલશે જેમાં 100 જેટલા વિવિધ સ્ટોલ તૈયાર કરાયા છે. તો ત્રણ દિવસ સુધી ચાલનારા આ સંમેલનમાં 5 પૂર્ણ સત્ર હશે અને દેશ અને વિદેશના મેડિસિન રિસર્ચ કંપનીઓ લઈ રહી છે ભાગ.