અમેરિકાના ફ્લોરિડામાં ચેપગ્રસ્તોની સંખ્યામાં એક દિવસમાં રેકોર્ડબ્રેક વધારો થયો છે જેને પગલે વર્લ્ડ હેલ્થ ઓર્ગેનાઇઝેશન (ડબ્લ્યુએચઓ) ના વડા ટેડ્રોસ એડહેનમ ગેબ્રયેસસે ચેતવ્યા છે કે કોરોનાની સ્થિતિ આગામી દિવસોમાં વધુ જોખમી બનશે.
અનેક દેશો તેને નિયંત્રિત કરવા હવાતિયા મારી રહ્યા છે
બંને મહાદેશોમાં સ્થિતિ દિવસેને દિવસે ભયંકર બની રહી છે
પહેલાની જેમ જનજીવન સામાન્ય બનવું મુશ્કેલ
તેમણે એમ પણ કહ્યું કે થોડા સમય માટે જનજીવન પહેલા જેવું સામાન્ય નહીં થઈ શકે. ગેબ્રિયસસે સોમવારે એક પ્રેસ કોન્ફરન્સમાં કહ્યું હતું કે ‘નજીકના ભવિષ્યમાં પહેલાની જેમ જનજીવન સામાન્ય બનવું મુશ્કેલ છે’.
WHO ના ડાયરેક્ટર જનરલએ કહ્યું કે જ્યારે ઘણા દેશોએ કોરોના પર કાબૂ મેળવ્યો છે ત્યારે અનેક દેશો તેને નિયંત્રિત કરવા હવાતિયા મારી રહ્યા છે. ત્યારે યુરોપ અને એશિયાના ઘણા બધા દેશો ખોટી દિશામાં જઈ રહ્યા છે. આ બંને મહાદેશોમાં સ્થિતિ દિવસેને દિવસે ભયંકર બની રહી છે. કોરોના હજુ વિકરાળ રુપ ધારણ કરી રહ્યો છે. અમેરિકામાં વિશેષકર દક્ષિણ અને પશ્ચિમમાં મૃતકોની સંખ્યામાં સતત વઘારો થઈ રહ્યો છે.
વધુમાં તેમણે કહ્યું હતું કે અમને લાગે છે કે આપણે આ સ્થિતિ પર કાબૂ મેળવી શકીશું પરંતુ આ માટે આપણે ખૂબ કાળજી રાખવી પડશે જેમ કે સોશિયલ ડિસ્ટન્સિંગ રાખવું પડશે.
ઉલ્લેખનીય છે કે ડબ્લ્યુએચઓના બે નિષ્ણાંતો કોરોનાની ઉત્તપત્તિનું મૂળ કારણ શોધવા માટે ચીન ગયા છે. કેમ કે કોરોના વાયરસ સૌથી પહેલા ચીનના વુહાનમાં મળી આવ્યો હતો. બેઇજિંગ તપાસની મંજૂરી આપવા તૈયાર નહોતું. પરંતુ ડબ્લ્યુએચઓ દ્વારા બોલાવવામાં આવેલા દેશોના વિરોધ બાદ તે રાજી થયું. ત્યારે હવે તપાસ બાદ જ સત્ય જાણી શકાશે.