coronavirus / હવે ચીન નહિ આ સ્થળ છે કોરોનાવાયરસની વૈશ્વિક એપિસેન્ટર; કેસમાં ગંભીર વધારો

• તમામ દેશો તમામ ઉપાયોનો મારો ચલાવીને આ રોગને મહાત આપે:WHO
• યુરોપની દશા હજુ વધુ ગંભીર થવાના એંધાણ 

Director-General, WHO: Europe has now become epicenter of COVID19 pandemic, with more reported cases&deaths than the rest of the world combined, apart from China. More cases are now being reported every day than were reported in China at the height of its epidemic pic.twitter.com/U1WHCvV1ix

— ANI (@ANI) March 13, 2020

"હવે યુરોપ આ મહામારીનું કેન્દ્ર બન્યું છે," આરોગ્ય સંસ્થાના વડા ટેડરોઝ એ ગેબ્રેયોસોસે એક પ્રેસ કોન્ફરન્સમાં કહ્યું હતું. તેમણે વિશ્વવ્યાપી વાયરસથી થયેલા 5000થી વધુ મોતને દુ:ખદ ગણાવ્યા હતા.

WHO વડાએ વાયરસથી થયેલા મૃત્યુ પર દુ:ખ વ્યક્ત કર્યું હતું. WHOએ વિશ્વના દેશોને માત્ર એક જ ઉપાય પર ધ્યાન કેન્દ્રિત નહીં કરવા પરંતુ કોરોના સામે લડવાના દરેક ઉપાય પર ધ્યાન કેન્દ્રિત કરવા અપીલ કરી છે.

ડિરેક્ટર જનરલે કહ્યું, 'અમારો સંદેશ તમામ દેશો માટે ફક્ત એ જ છે કે તમારે આ રોગ સામે લડત આપવી પડશે. ફક્ત પરીક્ષણ ન કરો, ફક્ત દર્દીઓના સંપર્કમાં આવેલા લોકોની શોધખોળ ન કરો, માત્ર આઇસોલેશન ન કરો, માત્ર સામાજિક અંતર જ ન બનાવશો પણ ઉપાયને લગતી દરેક વસ્તુ પર ધ્યાન કેન્દ્રિત કરો.

યુરોપમાં પરિસ્થિતિ છે ભયજનક

દુનિયામાં 123થી વધુ દેશોમાં 1 લાખ 32 હજાર લોકોથી વધુ દર્દીઓ કોરોના વાયરસની ચપેટ આવ્યા છે. સૌથી ગંભીર હાલત ઇટાલીમાં છે જ્યાં 21000થી વધુ કોરોનાવાયરસના કેસીસ પોઝિટિવ મળ્યા છે. 24 કલાકમાં 250 જેટલા મોત સાથે ઇટાલીમાં હાહાકાર મચી ગયો છે. 

જયારે સ્પેનમાં પોઝિટિવ કેસનો આંક 6300 ને વટાવી ચુક્યો છે. ફ્રાન્સ અને જર્મનીમાં પણ 4000 થી વધુ કેસીસ સાથે પરિસ્થિતિ બદ થી બદતર થઇ રહી છે. 

નિષ્ણાતો જણાવે છે કે યુરોપમાં એકંદરે વૃદ્ધોની વસ્તી વધુ હોવાથી ત્યાં ચેપ અને મોતના આંકડા વધુ જોવા મળી રહ્યાં છે. દવા અને રસીને ગેરહાજરીમાં આ આંકડા વધતા જ રહેશે તેવી દહેશત સેવાઈ છે.