ખુલાસો / ઝારખંડ સરકારને ઉથલાવી પાડવાનું કોણે કાવતરુ કર્યું? કોંગ્રેસ ધારાસભ્યે કર્યો ચોંકાવનારો દાવો

• ઝારખંડમાં  હેમંત સોરેન સરકારને ઉથલાવાનો કથિત કારસો સામે આવ્યો
• મોટી રકમની રોકડ સાથે ત્રણની ધરપકડ
•  કોંગ્રેસ ધારાસભ્યનો દાવો સરકાર બદલવા માટે મંત્રી પદ તથા મોટી રકમની ઓફર કરાઈ 
• રાજ્યની શાસક પાર્ટી JMM એ ભાજપ પર કર્યો ગંભીર આરોપ 

કોલેબિરાથી કોંગ્રેસ ધારાસભ્યે કહ્યું કે તેમને સરકાર બદલવા માટે મંત્રી પદ તથા મોટી રકમની ઓફર કરાઈ હતી. જોકે તેમને કોને ઓફર આપી હતી તે અંગે કંઈ કહ્યું નથી. તેમણે કહ્યું કે રાજધાની રાંચી અને કોલેબિરા આવાસમાં મને આ મોટી ઓફ કરાઈ હતી.

ભાજપના લોકોએ મારો સંપર્ક સાધ્યો- કોંગ્રેસ ધારાસભ્ય 

ધારાસભ્યે એવું પણ જણાવ્યું કે ભાજપના લોકોએ મારો સંપર્ક સાધ્યો હતો. તેમણે કહ્યું કે જે સમયે આ વાતચીત ચાલતી હતી તે સમયે આરોપ અમિત સિંહ પણ હાજર હતો. ઉલ્લેખનીય છે કે અમિત સિંહ પોલીસની પકડમાં આવી ચૂક્યો છે. શનિવારે જેએમએમે પણ ભાજપ પર ગંભીર આરોપ લગાવ્યો છે. રવિવારે ઝારખંડના પૂર્વ સીએમ અને ભાજપ નેતા બાબુલાલ મરાન્ડીએ પણ એસઆઈટી તપાસની માગ કરી છે. તેમણે ઝારખંડ સરકાર પર મહારાષ્ટ્રના પૈસા વસૂલી મોડલ ફોલો કરવાનો પણ આરોપ લગાવ્યો. 

મરાન્ડીએ ક હ્યું હતું કે છેલ્લા એક અઠવાડિયાથી હેમંત સોરન સરકારને અસ્થિર કરવા માટે પૈસા આપવામાં આવી રહ્યાં છે. હેમંત સોરેન મહારાષ્ટ્ર મોડલને રાજ્યમાં લાગુ પાડવાનું કામ કરી રહ્યાં છે. 

JMM નો આરોપ, ભાજપ ફોલો કરી રહી છે કર્ણાટક મોડલ
શનિવારે પોલીસે રાંચીની હોટલમાંથી ત્રણ લોકોની ધરપકડ કરી હતી. તેમની પાસે મોટી માત્રમાં રોકડ રકમ મળી છે. પોલીસનો દાવો છે કે આ ત્રણેય આરોપીઓ હોર્સ ટ્રેડિંગમાં સામેલ હતા અને ઘણા લાંબા સમયથી સરકારને અસ્થિર કરવાના ચક્કરમાં હતા. આ ધરપકડ બાદ જેએમએમે ભાજપ પર ગંભીર આરોપ લગાવતા કહ્યું કે ભાજપ ઝારખંડમાં કર્ણાટક મોડલ અપનાવી રહી છે. અહીં ધારાસભ્યોને ખરીદી લઈને સરકારને ઉથલાવી પાડવાનું કાવતરુ કરવામાં આવી રહ્યું છે. જોકે ભાજપે આ આરોપ ફગાવી દઈને ઉલટાનું રાજ્ય સરકાર પર દોષનો ટોપલો ઢોળ્યો છે.