વર્લ્ડ હેલ્થ ઓર્ગેનાઇઝેશન WHO ના ડાયરેક્ટર જનરલ ટેડ્રોસ અધેનમે ભારતની પ્રશંસા કરી છે. તેમણે કહ્યું કે ભારતની આ પહેલ લોકોને કોરોના સામે લડવામાં મદદ કરશે.
ભારતના પ્રયત્નોને WHOએ વખાણ્યા
WHO ડિરેક્ટરે કરી ભારતની પ્રશંસા
WHO ચીફે કહ્યું,' આવ પ્રયત્નોથી વાયરસને રોકી શકીશું'
ભારતે રસી મુદ્દે કરેલી કાર્યવાહીને વેક્સિન ડિપ્લોમસી તરીકે ઓળખવામાં આવી રહી છે, દુનિયાને કોરોના વાયરસ ચેપ મુક્ત બનાવવા માટે ભારતની ઝુંબેશ વિશ્વમાં રંગ લાવી રહી છે. વિશ્વ આરોગ્ય સંગઠનએ વિશ્વના જરૂરિયાતમંદ દેશોને મફત રસી પૂરી પાડવા બદલ ભારત અને પીએમ નરેન્દ્ર મોદીની પ્રશંસા કરી છે.
Thank you #India and Prime Minister @narendramodi for your continued support to the global #COVID19 response. Only if we #ACTogether, including sharing of knowledge, can we stop this virus and save lives and livelihoods.
એક ટ્વીટમાં WHO નાં ડાયરેક્ટર જનરલ ટેડ્રોસ અધેનમે લખ્યું, 'ગ્લોબલ કોવિડ -19 રિસ્પોન્સને સતત ટેકો આપવા બદલ ભારત અને વડા પ્રધાન નરેન્દ્ર મોદીનો આભાર. જો આપણે સાથે મળીને કામ કરીએ,તો જ્ઞાન વહેંચી શકીએ અને તો જ આપણે આ વાયરસને રોકી શકીશું અને જીવન બચાવી શકીશું.
ભારતે મિત્ર દેશોને પહોંચાડ્યા લાખો ડોઝ
ભારતે છેલ્લા કેટલાક દિવસોમાં કોરોના વેક્સિનના લાખો ડોઝ બ્રાઝિલ, મોરોક્કો જેવા દેશો સહિત ભૂટાન, માલદીવ, નેપાળ અને બાંગ્લાદેશમાં મોકલ્યા છે. હવે પછીના તબક્કામાં, મોરેશિયસ, મ્યાનમાર, સેશેલ્સ, શ્રીલંકા, દક્ષિણ આફ્રિકા, સાઉદી અરેબિયા અને અફઘાનિસ્તાનને મોકલવાની પણ તૈયારીઓ મોકલવામાં આવી રહી છે.
ભારતની મદદ કરવાની આ કોશિશના દુનિયાભરમાં વખાણ થઈ રહ્યા છે. આ અગાઉ બ્રાઝિલના રાષ્ટ્રપતિ જેર બોલ્સોનારોએ ભારતની કોરોના રસીને 'સંજીવની બૂટી' કહીને ભારતનો આભાર માન્યો હતો.
બાંગ્લાદેશે પણ મદદ માટે આભાર વ્યક્ત કર્યો છે
બાંગ્લાદેશના વડા પ્રધાન શેખ હસીનાએ પણ ઓક્સફર્ડ-એસ્ટ્રાઝેનેકાની કોવિડ -19 રસીના 20 મિલિયન ડોઝ મોકલવા બદલ મોદીનો આભાર માન્યો છે. હસીનાએ ટ્વીટ કર્યું, ` હું કોરોના રસીને ભેટ તરીકે મોકલવા બદલ વડા પ્રધાન મોદીનો આભાર માનું છું, મને આશા છે કે કોવિડ -19 મહામારીથી બાંગ્લાદેશ છુટકારો મેળવશે.
મહત્વનું છે કે વિશ્વના 92 જેટલા દેશોએ કોવિડ -19 વેક્સિન માટે ભારતનો સંપર્ક કર્યો છે. ભારતમાં બનાવાયેલી બંને કોરોના રસી વિશ્વમાં સૌથી સસ્તી છે અને ગમે ત્યાં સરળતાથી સંગ્રહ કરી શકાય છે. તે જ સમયે, આ અમેરિકા અને ચીનની રસીઓ સરળતાથી ઉપલબ્ધ નથી. આ ઉપરાંત, સારવારની ક્ષમતાના સંદર્ભમાં ભારતીય રસી પણ સલામત માનવામાં આવે છે.