મહેસાણાના વિજાપુર તાલુકાના લાડોલ નજીક આવેલ અમરાપુરા દૂધ ઉત્પાદક મહિલા સહકારી મંડળીમાં લાખોની ઉચાપત મામલે લાડોલ પોલીસ સ્ટેશનમાં ફરિયાદ નોંધાઈ છે. મંડળીના માજી મંત્રી સહીત પ્રમુખ અને સભ્યો મળીને કુલ 12 લોકો વિરુદ્વ ફરિયાદ નોંધાઈ છે.
અમરાપુરા દૂધ ઉત્પાદક મહિલા સહકારી મંડળીમાં $ 4.64 લાખ ઉચાપત થઈ છે. માજીમંત્રી કાળાજી ઠાકોર પ્રમુખ અરખીબેન ઠાકોર મંડળીના સભ્યો પૈકી ઠાકોર કુશીબેન નીરૂબેન વાસુબેન બાસુબેન નંદાબેન શારદાબેન તેજલબેન રમીલાબેન લક્ષ્મીબેન લીલાબેન સહિત 12 વિરુદ્વ ફરિયાદ થઈ છે.
મદદનીશ સહકારી અધિકારીને લગતા જીલ્લા રજીસ્ટ્રાર મહેસાણાના ઓડિટર જયંતિ પટેલ દ્વારા ફરિયાદ કરાઈ છે. ઉચાપતનો મામલો ઓડિટ દરમિયાન બહાર આવ્યો હતો. વર્ષ 2016-17ના ઓડિટમાં $ 1 લાખ 45 હજાર 29ની હંગામી ધોરણે ઉચાપત અને $ 3 લાખ 61 હજાર 367ની કાયમી ધોરણે નાણાકીય ઉચાપત કરી હોવાનું ખુલ્યું હતું.
માજીમંત્રીએ 2 જાન્યુઆરીએ રોજમેળે સિલ્ક $ 4 લાખ 65 હજાર 896 રહેલ જે રકમ સિલક $ 10 હજારની મર્યાદા કરતા વધારે હોવા છતાં મંડળીના બેંક બચત ખાતામાં જમા કરાવી નહી. તેઓએ તેમના અંગત ઉપયોગમાં વાપરી નાખેલ હતી.