અમેરિકાના રાષ્ટ્રપતિ ડોનાલ્ડ ટ્રમ્પ અને ફર્સ્ટ લેડીને કોરોના થયા બાદ તેમને સારવાર માટે સૈન્ય હોસ્પિટલમાં ખસેડાયા હતા. ટ્રમ્પની તબિયતને લઈને વ્હાઈટ હાઉસ તરફથી જે નિવેદન આવી રહ્યા છે તેમાં અધિકારીએ કહ્યું છે કે ડોનાલ્ડ ટ્રમ્પની સારવાર ચાલી રહી છે. તેમના માટે આગામી 48 કલાક મહત્વના છે. ઉલ્લેખનીય છે કે કોરોના વાયરસને લઈને રાષ્ટ્રપતિ ટ્રમ્પ ખૂબ જ ચિંતાજનક સ્થિતિમાંથી પસાર થઈ રહ્યા છે.
ડોનાલ્ડ ટ્રમ્પની કોરોના સારવાર ચાલી રહી છેઃ વ્હાઈટ હાઉસ
ટ્રમ્પ માટે આગામી 48 કલાક મહત્વનાઃ વ્હાઈટ હાઉસ
આ ટિપ્પણી આ ખુલાસા બાદ કરાઈ છે કે શુક્રવારે હોસ્પિટલ લઈ જતાં પહેલાં ટ્રમ્પને ઓક્સીજન આપવો પડ્યો હતો. જો કે વ્હાઈટ હાઉલના કર્મચારીએ કહ્યું હતું તે ટ્રમ્પમાં સામાન્ય લક્ષણો જોવા મળ્યા હતા. આ પહેલાં ટ્રમ્પના ડોક્ટર્સે કહ્યું કે રાષ્ટ્રપતિ ખૂબ સારા મૂડમાં છે અને છેલ્લા 24 કલાકથી તેમને તાવ આવ્યો નથી.
I feel much better now. We are working hard to get me all the way back. I have to be back because we still have to make America great again: US President Donald Trump at Walter Reed Hospital
ફરીથી બનાવવાનું છે અમેરિકાને મહાન
આ સમયે ડોનાલ્ડ ટ્રમ્પે હોસ્પિટલથી એક મેસેજ વાયરલ કર્યો છે જેમાં તેઓએ કહ્યું છે કે તેઓ સારું ફીલ કરી રહ્યા છે. આપણે દરેક ચીજને નોર્મલ કરવા મહેનત કરવી પડશે. મારે ફરી પાછા આાવવું પડશે કેમકે ફરી એકવાર અમેરિકાને મહાન બનાવવું છે.
OUR GREAT USA WANTS & NEEDS STIMULUS. WORK TOGETHER AND GET IT DONE. Thank you!
રિપબ્લિકન પાર્ટીની વધી સમસ્યા
અમેરિકામાં રાષ્ટ્રપતિ ચૂંટણી પહેલાં જ ડોનાલ્ડ ટ્રમ્પના કોરોના સંક્રમિત થવાના કારણે રિપલ્બિકન પાર્ટીની સમસ્યા વધી છે. ચૂંટણી કેમ્પેન અને પ્રેસિડેન્શિયલ ડિબેટને કારણે આ મહિનો ખાસ હતો. કહેવાઈ રહ્યું છે કે ઉંમર, સ્થૂળતા, હાઈ કોલેસ્ટ્રોલના કારણે અને સાથે પુરુષ હોવું એ ટ્રમ્પના કોરોના વાયરસ સંક્રમિત હોવાના ખતરાને વધારી રહ્યું છે. પહેલી પ્રેસિડેન્શિયલ ડિબેટના એક દિવસ બાદ જ ટ્રમ્પ કોરોના સંક્રમિત થયા હોવાનું જાણવા મળ્યું હતું.