કોરોના વાયરસને શરુઆતમાં ગંભીરતાથી ન લેવું અમેરિકાને ભારે પડી રહ્યું છે. હાલ એવી સ્થિતિ છે કે તેઓ કંઈ પણ કરે તો પણ અમેરિકામાં મોતના આંકને નહીં રોકી શકે. દુનિયામાં સૌથી વધારે કોરોનાના દર્દીની સંખ્યા અમેરિકામાં છે. અમેરિકામાં અત્યાર સુધીમાં 188,592લોકો કોરોનાગ્રસ્ત છે. જ્યારે તેનો મૃતાંક ચીનના આંકને વટાવી 4,056 પહોંચી ગયો છે. વિશ્વ સ્વાસ્થ્ય સંગઠનને થોડાક દિવસ પહેલા અમેરિકાને આનાથી અવગત કરાવ્યું હતું કે અમેરિકા થોડાક દિવસોમાં કોરોનાનું એપી સેન્ટર બની શકે છે.
ટ્રમ્પે 1 લાખના મોતને નાનો આંકડા ગણાવ્યો
શરુઆતમાં ટ્ર્મ્પે આ વાયરસને સામાન્ય ફ્લૂ સમજવાની ભૂલ કરી
અમેરિકાના કોઈ ઉપાય ન કરવામાં આવે તો અહીં 15થી 22 લાખના મોત થઈ શકે છે
વ્હાઈટ હાઉસે અંદાજો લગાવ્યો છે કે કોરોના વાયરસની મહામારીથી 1 લાખથી 2.40 લાખ લોકોના જીવ જઈ શકે છે. એ પણ ત્યારે જ્યારે સોશિયલ ડિસ્ટન્સિંગનું પાલન કરવામાં આવે. અમેરિકન રાષ્ટ્રપતિ ડોનાલ્ડ ટ્રમ્પે અમેરિકનોને બહું જ ખરાબ સમય માટે તૈયાર રહેવા કહ્યું છે. અમેરિકાના રાષ્ટ્રપતિ ડોનાલ્ડ ટ્રમ્પે પ્રેસ બ્રીફિંગમાં કહ્યું છે કે હું દેરક અમેરિકનને આવનારા ખરાબ સમય માટે તૈયાર રહેવાનું કહી રહ્યો છું. આવનારા 2 અઠવાડિયા ખૂબ ખરાબ રહેશે.
વ્હાઈટ હાઉસના અધિકારીઓએ ચેતવણી આપી છે કે જો દેશમાં કોરોનાને ફેલાતો અટકાવવાના પ્રયાસ કરવામાં આવે તો પણ 1 લાખથી 2.40 લાખ લોકોના મોતની આશંકા દેખાઈ રહી છે.
વ્હાઈટ હાઉસ કોરોના વાયરસ ટ્સ્ક ફોર્સના સભ્ય ડૉ. ડેબોરા બિર્ક્સે મીડિયા સાથેની વાતચીતમાં કહ્યુ હતું કે તમામ મોર્ડલમાંથી એ આશંકા છે કે કોરોનાને રોકવાના કોઈ ઉપાય ન કરવામાં આવે તો સૌથી ખરાબ સ્થિતિમાં 15થી 22 લાખ લોકોના મોત થઈ શકે છે.
જોકે લોકડાઉન અને સોશિયલ ડિસ્ટન્સિંગ જેવા પગલા ભરવા પર મોતના આંકડાને ઓછા કરી શકાય છે. ડેબોરાએ એ વાત પર ભાર મુક્યો હતો કે જો લોકો પોતાની આદત સુધારી લે તો મોતની સંખ્યા ઘટી શકે છે.
તેમણે જણાવ્યું કે 48 રાજ્યોની સરખામણીમાં ન્યૂ યોર્ક અને ન્યૂ જર્સીમાં કોરોના વાયરસના સૌથી વધારે કેસ સામે આવ્યા છે. આશા છે કે સોશિયલ ડિસ્ટન્સિંગ બાકીના રાજ્યોમાં મહામારીની જેમ ફેલાતો રોકી શકાય છે. ફેલાતા અટકાવવાના પગલાની શરુઆત બાદ કેલિફોનિયા અને વોશિંગ્ટનમાં બિમારીના ફેલાવાની સ્પીડ ઘટી છે. જેમાં અમને થોડી આશા જાગી છે. લોકો જ તેને રોકવામાં મદદ કરી શકે છે. અહીં કોઈ જાદુઈ વૈક્સીન કે થેરાપી નથી. આ ફક્ત એક વ્યવહાર છે. જે આને રોકી શકે છે.
નેશનલ ઈન્સ્ટીટ્યૂટ ઓફ એલજી એન્ડ ઈન્ફેક્શિયસ ડિસિજિસના ડિરેક્ટર ડૉ એન્થની ફાઉસીએ સવાલ કર્યો હતો કે અમેરિકામાં વાયરસથી એક લાખ લોકોના મોત થશે એવા સવાલના જવાબમાં તેમણે કહ્યું હતું હા. આંકડા જેટલા ગંભીર છે. તેને જોતા આ માટે તૈયાર રહેવું જોઈએ. મને લાગે છે કે જેટલુ વધારે આપણે આને રોકવાના ઉપાય પર ભાર મુકીશું તેટલા આંકડા ઓછા આવશે. આ તરકીબ કામ આવશે.
ડૉ. ફાઉચીએ કહ્યુ, આવનારા દિવસોમાં પરિસ્થિતિ ખરાબ થવાની છે. જેનાથી હતોત્સાહિત ન થાવ કેમ કે તેને રોકવાના ઉપાય થઈ રહ્યા છે. અત્યારે બહુ ખરાબ સમયમાંથી પસાર થઈ રહ્યા છીએ પહેલા તેની સ્પીડને ઓછી કરીશું.
આ પહેલા ટ્રમ્પે ઈસ્ટરથી અર્થવ્યવસ્થાને ફરી ખોલવાની વાત કરી હતી. જોકે રવિવારે ટ્રમ્પે સોશિયલ ડિસ્ટન્સિંગની ગાઈડલાઈનને 30 એપ્રિલ સુધી વધારવી પડી છે. ટ્રમ્પ શરુઆતમાં કોરોનાની સરખામણી સામાન્ય ફ્લૂ સાથે કરી રહ્યા હતા. ચીનથી આવી રહેલા રિપોર્ટને જોઈ સ્વાસ્થ્ય વિશેષજ્ઞોએ કેટલીય વાર ટ્રમ્પને ટકોર કર્યા હતા. પરંતુ ટ્રમ્પે તેમને નજર અંદાજ કરી નાંખી પોતાના બચાવમાં કહ્યું કે મને નથી લાગતુ કે અત્યાર સુધી કોઈ ડોક્ટરને આ બિમારીનો અંદાજ હોય. લોકોએ પહેલા આવું કંઈ નહોતું જોયું.
ટ્રમ્પે પોતાને બચાવતા કહ્યું હતુ કે જો તમામ પ્રકારના પગલા ભરવામાં આવે તો પણ અંદાજ મુજબ 22 લાખ લોકોના મોત થઈ શકે છે. અમેરિકામાં દરેક જગ્યાએ લોકો મરતા નજરે પડી રહ્યા છે. ત્યારે ટ્રમ્પે કહ્યું કે ત્યારે તમે વિમાન, હોટેલની લોબી દરેક જગ્યાએ લોકોને મરતા જોતા. તેમણે એમ પણ કહ્યું કે રાષ્ટ્રપતિએ કહ્યું કે મોડલ જોતા એક લાખ મોત બહું નાની સંખ્યા છે. જોકે તેમણે આ આંકડાને બહું ડરાવનો ગણાવ્યો છે.