કોરોના વાયરસ દુનિયાની સૌથી વધુ સુરક્ષિત જગ્યામાંથી એક એવા અમેરિકાના વ્હાઇટ હાઉસમાં પગપેસરો કર્યો છે. વ્હાઇટ હાઉસના એક અધિકારીમાં કોરોના વાયરસ પોઝિટિવ જોવા મળ્યો છે. એક મળતાં અહેવાલ મુજબ અમેરિકાના ઉપ રાષ્ટ્રપતિ માઇક પેનેસની સાથે નિયુક્ત એક અધિકારીમાં કોરોના વાયરસ પોઝિટિવ જોવા મળ્યો છે.
વ્હાઇટ હાઉસમાં કોરોનાનો દર્દી
ઉપ રાષ્ટ્રપતિની ઓફિસના અધિકારીમાં પોઝિટિવ આવ્યો
અમેરિકામાં કોરોનાથી 230 લોકોનાં મોત
આ ખુલાસા બાદ અમેરિકા સહિત દુનિયાભરમાં હડકંપ મચી ગયો છે. જો કે હવે તપાસ કરવામાં આવી રહી છે કે આ શખ્સ વ્હાઉટ હાઉસમાં કયા કયા લોકોના સંપર્કમાં આવ્યો હતો. જો કે એક મળતા અહેવાલ મુજબ રાષ્ટ્રપતિ ડોનાલ્ડ ટ્રમ્પ અને ઉપરાષ્ટ્રપતિ માઇક પેનેસ છેલ્લા થોડા દિવસોથી આ વ્યક્તિના સંપર્કમાં આવ્યાં નથી.
ઉપ રાષ્ટ્રપતિના પ્રેસ સચિવ કેટિ મિલરે જણાવ્યું છે કે અમને જણાવામાં આવ્યું કે ઉપ રાષ્ટ્રપતિ માઇક પેનેસના એક અધિકારીમાં કોરોના વાયરસ પોઝિટિવ જોવા મળ્યો છે. મિલરે કહ્યું કે હવે આરોગ્ય વિભાગની ગાઇડ લાઇન્સ મુજબ એ તપાસ કરવામાં આવી રહી છે કે આ વ્યક્તિ કયા લોકોના સંપર્કમાં આવ્યો હતો. ઉલ્લેખનીય છે કે અમેરિકામાં કોરોના વાયરસના કારણે અત્યાર સુધીમાં 230 લોકોનાં મોત થયા છે.
વ્હાઇટ હાઉસમાં પ્રવેશ માટે કડક ગાઇડલાઇન
વ્હાઇઠ હાઉસના આ પરિસરમાં પ્રવેશ માટે કડક ગાઇડલાઇન જારી કરવામાં આવી છે. રાષ્ટ્રપતિના ડૉકટરોની ટીમ અને સીક્રેટ સર્વિસના એજન્ટ જે પણ વ્યક્તિ વ્હાઇટ હાઉસમાં પ્રવેશ કરે છે તેનું તાપમાન ચેક કરે છે.