મુશ્કેલી / બ્લેક ફંગસથી પણ વધારે ખતરનાક છે વ્હાઈટ ફંગસ, લક્ષણો સાથે જાણો શરીરના કયા અંગોને કરે છે પ્રભાવિત

• બ્લેક ફંગસથી પણ વધારે ખતરનાક છે વ્હાઈટ ફંગસ
• જાણો શરીરના કયા અંગોને કરે છે પ્રભાવિત
• જાણો શું છે વ્હાઈટ ફંગસના લક્ષણો

ભારતમાં કોરોના વાયરસ બાદ મ્યુકરમાઈકોસિસ  (Mucormycosis)  એટલે કે બ્લેક ફંગસ અને હવે વ્હાઈટ ફંગસે પણ ચિંતા વધારી છે. બિહારની રાજધાની પટનામાં આ નવા ફંગલ ઈન્ફેક્શનના કેસ આવી રહ્યા છે. પંજાબ, રાજસ્થાન સહિત અનેક રાજ્યોએ બ્લેક ફંગસને મહામારી જાહેર કરી છે. તો વ્હાઈટ ફંગસના કેસ પણ રાજ્ય સ્તરે ચિંતા વધારી રહ્યા છે.  

કેવી રીતે પકડાયું વ્હાઈટ ફંગસ
 એક રિપોર્ટમાં જાણવા મળ્યું કે જયારે કોરોનાના રિપોર્ટ નેગેટિવ આવી રહ્યા હતા તો પણ દર્દીઓને તકલીફ થઈ રહી હતી. તેઓ વ્હાઈટ ફંગસનો શિકાર થયા છે. તેમને એન્ટી ફંગલ દવાઓ આપવામાં આવી રહી છે.  

શું વ્હાઈટ ફંગસ બ્લેક ફંગસથી વધારે ખતરનાક છે?
સ્વાસ્થ્યના જાણકારો કહે છે કે બ્લેક ફંગસની તુલનામાં વ્હાઈટ ફંગસ વધારે ખતરનાક છે. એક્સપર્ટ કહે છે કે એવું એટલા માટે કે તે ફેફસાને જ નહીં પણ નખ, સ્કીન, પેટ, કિડની, પ્રાઈવેટ અંગ અને મોઢાને પ્રભાવિત કરે છે. 

જાણો શું છે વ્હાઈટ ફંગસના લક્ષણો અને કોને થાય છે સૌથી વધારે સંક્રમણ
રિપોર્ટના અનુસાર ડોક્ટર્સનું  કહેવું છે કે આ દુર્લભ ફંગલ બીમારીના લક્ષણો કોરોના વાયરસના સંક્રમણ જેવા છે. તે સીધું ફેફસા પર એટેક કરે છે. ઓછી ઈમ્યુનિટીના લોકોને વધારે અસર કરે છે. વ્હાઈટ કે બ્લેક ફંગસની જાણકારી HRCT ટેસ્ટની મદદથી કરી શકાય છે.  આ સિવાય ડાયાબિટિસની બીમારી કે લાંબા સમયથી સ્ટીરોઈડ લઈ રહેલા દર્દીને વ્હાઈટ ફંગસનો ખતરો વધારે રહે છે.  

બ્લેક ફંગસને લઈને રાજ્યોમાં આવી છે સ્થિતિ
અનેક રાજ્યોએ બ્લેક ફંગસની બીમારીને મહામારી જાહેર કરી છે. કોરોના સંકટની વચ્ચે મહારાષ્ટ્રમાં બ્લેક ફંગસને કારણે 90 દર્દીના મોત છે. સ્વાસ્થ્ય મંત્રીએ કહ્યું કે હાલમાં બ્લેક ફંગસ ચિંતાનો વિષય છે.ગોવામાં પણ બ્લેક ફંગસથી 1 મોત થયું છે તો હરિયાણા, રાજસ્થાન, ઓરિસ્સા, આસામ, પંજાબ, તેલંગાણા જેવા રાજ્યો બ્લેક ફંગસને પહેલાથી જ મહામારી જાહેર કરી ચૂક્યા છે. દિલ્હીના સીએમ અરવિંદ કેજરીવાલે પણ કહ્યું છે કે જો જરૂર પડશે તો બ્લેક ફંગસ એટલે કે મ્યુકરમાઈકોસિસને મહામારી જાહેર કરાશે.