કોરોનાની બીજી લહેર સામેની જંગ હજુ પુરી નથી થઈ ત્યાં બ્લેક અને વ્હાઈટ ફંગસે લોકોની ચિંતા વધારી છે.
બીજી લહેર બાદ લોકોમાં બ્લેક અને વ્હાઈટ ફંગસનો ખતરો
50 વર્ષની મહિલામાં જોવા મળી સૌથી મોટી વ્હાઈટ ફંગસ
મહિલાને કોરોના બાદ ટ્યૂમરનું ઓપરેશન કરવામાં આવ્યુ હતું
કોરોનાની બીજી લહેર બાદ હવે લોકોમાં બ્લેક અને વ્હાઈટ ફંગસનો ખતરો વધી રહ્યો છે. બન્ને બિમારીઓ કોરોનાથી વધારે જીવલેણ સાબિત થઈ રહી છે. ત્યાં જ ઈંદોરમાં મહિલાના મગજમાંથી અત્યાર સુધીની સૌથી મોટી વ્હાઈટ ફંગસ મળી આવી છે. જેને જોઈને ડોક્ટરો પણ આશ્ચર્ય ચકીત થઈ ગયા છે.
કંઈ રીતે થઈ જાણ?
મધ્ય પ્રદેશના ઈંદોરમાં બ્લેક ફંગસ બાદ હવે વ્હાઈટ ફંગસ સંક્રમણની પુષ્ટી થઈ છે. ધાર જિલ્લાની રહેનાર 50 વર્ષીય મહિલાને કોરોના થયો હતો. તે કોરોનામાંથી સંપૂર્ણ પણ સ્વસ્થ્ય થઈ ગઈ જ્યાર બાદ મહિલાને બ્રેન ટ્યૂમરના ઓપરેશન માટે પ્રાઈવેટ હોસ્પિટલમાં દાખલ કરવામાં આવી હતી. ત્યાં ડોક્ટરોએ મહિલાનું ઓપરેશન કર્યા બાદ ટ્યૂમર કાઢ્યુ હતું પરંતુ જ્યારે આ ટ્યૂમરની બાયોપ્સી અને ક્લ્ચર ટેસ્ટ કરાવવામાં આવ્યું તો તેમાંથી વ્હાઈટ ફંગસની પુષ્ટિ કરવામાં આવી. માનવામાં આવી રહ્યું છે કે આ અત્યાર સુધીની સૌથી મોટી વ્હાઈટ ફંગસ છે. જેનો આકાર 8.6 x 4 x 4.6 સેમી છે.
કઈ રીતે થઈ આટલી મોટી ફંગસ?
નિષ્ણાંતોના અનુસાર દર્દીમાં ફંગસ ઈન્ફેક્શન લોહી દ્વારા થયું છે. જ્યારે સામાન્ય રીતે અત્યાર સુધી ફંગસ ઈન્ફેક્શનના લક્ષણ શુરૂઆતી રીતે નાક અને આંખમાં જોવા મળ્યા. પરંતુ વ્હાઈટ ફંગસના આવા કોઈ લક્ષણ જોવા નથી મળ્યા. જોકે પહેલા પણ વ્હાઈટ ફંગસ ઘણા દર્દીઓમાં જોવા મળી છે. પરંતુ પોસ્ટ કોવિડ દર્દીઓમાં આ ઈન્ફેક્શન ઈંદૌરમાં પહેલી વખત જોવા મળ્યું હતું.