વડોદરામાં બ્લેક ફંગસ બાદ વ્હાઈટ ફંગસના કેસ સામે આવી રહ્યા છે, સયાજી હોસ્પિટલમાં ત્રણ દર્દીઓ સારવાર હેઠળ છે
સયાજી હોસ્પિટલમાં વ્હાઈટ ફંગસના ત્રણ કેસ
વ્હાઈટ ફંગસમાં મ્યુકોરર્માઇકોસિસ જેવા જ લક્ષણો
ત્રણેય દર્દીઓ હાલ વડોદરામાં સારવાર હેઠળ
વડોદરામાં બ્લેક ફંગસ બાદ હવે વ્હાઈટ ફંગસના કેસ સામે આવ્યા છે. વડોદરાની સયાજી હોસ્પિટલમાં વ્હાઈટ ફંગસના ત્રણ કેસ સામે આવ્યા છે. મહત્વનું છે કે મ્યુકોરર્માઇકોસિસ જેવા જ લક્ષણો વ્હાઈટ ફંગસમાં જોવા મળ્યા છે. જો વાત કરાવામાં આવે તો વ્હાઈટ ફંગસના બે પ્રકાર છે, એક એસ્પરજીલોસિસ અને કેન્ડીયાલિસિસ. કોરોના કહેર બાદ દર્દીઓમાં બ્લેક ફંગસનું પ્રમાણ વધી રહ્યું છે ત્યારે હવે સયાજી હોસ્પિટલમાં વ્હાઈટ ફંગસના પણ ત્રણ કેસ સામે આવ્યા છે જેમાં એસ્પરજિલોસિસના પ્રકારના ત્રણ દર્દીઓ હોસ્પિટલમાં સારવાર લઈ રહ્યા છે.
બ્લેક ફંગસ બાદ હેવ વાઈટ ફંગસ
ઉલ્લેખનીય છે કે, વડોદરામાં મ્યુકોરર્માઇકોસિસ કેસમાં સતત વધારો થઈ રહ્યો છે. વડોદરામાં મ્યુકોરર્માઇકોસિસના 3 દર્દીઓ સાજા થયા છે. છેલ્લા દોઢ મહિનાથી આ દર્દીઓ સારવાર હેઠળ હતા. આ દર્દીઓએ કોરોના બાદ મ્યુકોરર્માઇકોસિસને પણ હરાવ્યો છે. ભરૂચ, અંકલેશ્વર અને વડોદરાના 3 મહિલા દર્દીઓએ મ્યુકોરર્માઇકોસિસને હરાવ્યો છે.
ત્રણ મહિલા દર્દીઓએ બ્લકે ફંગસને માત આપી
નઝમા પટેલ, રજનીબેન વાડેકર અને દર્શના પટેલે મ્યુકોરર્માઇકોસિસને માત આપી છે. છેલ્લા એક દોઢ મહિનાથી દર્દીઓ સારવાર લઈ રહ્યા હતા. કોરોના થયા બાદ મ્યુકોરર્માઇકોસિસનો રોગ થયો હતો. 57 વર્ષીય રજનીબેન પટેલની તો મ્યુકોરર્માઇકોસિસને કારણે આંખ પણ કાઢવી વારો આવ્યો છે અંતે તેઓએ મ્યુકોરર્માઇકોસિસને હરાવ્યો છે. નિષ્ણાંત ડોક્ટરો કહે છે કે મ્યુકોરર્માઇકોસિસથી ડરવાની જરૂર નથી પણ સમયસર સારવાર કરાવો તે જરૂરી છે.