ઘણીવખત લોકો નવી કાર ખરીદ્યા બાદ એવી ભૂલો કરી બેસે છે જેના કારણે કારને નુકસાન થાય છે, તો ચાલો જાણીએ નવી કાર ખરીદ્યા બાદ શું ધ્યાન રાખવું.
ઘણીવખત લોકો નવી કાર ખરીદ્યા બાદ કેટલીકભૂલો કરે છે
નવી કાર લીધા બાદ અમુક ભૂલો કરવાથી ભારે નુકસાન થાય છે
તમારી નવી કારનું ધ્યાન રાખવા આ ટિપ્સ જાણી લો
કોરોનાકાળમાં પણ નવી કાર લોન્ચ થવાનો સિલસિલો ચાલુ જ રહ્યો. છેલ્લા કેટલાક સમયમાં પેટ્રોલ અને ડીઝલથી લઈને ઈલેક્ટ્રિક સેગમેન્ટ સુધી ઘણી કાર લોન્ચ કરવામમાં આવી છે. પરંતુ ઘણાં લોકો નવી કાર ખરીદ્યા બાદ જાણતા અજાણતા કેટલીક એવી ભૂલો કરી નાંખે છે જેના કારણે ભારે નુકસાન ભોગવવું પડે છે. જો તમે પણ આવી ભૂલો કરી રહ્યાં છો તો આ ખાસ વાતોનું રાખો ધ્યાન.
સર્વિસ
જ્યારે પણ આપણે નવી કાર ખરીદીએ ત્યારે જ્યાં સુધી કારની પ્રથમ સર્વિસ ન થઈ જાય ત્યાં સુધી કાર સાચવીને અને યોગ્ય રીતે ચલાવવી જોઈએ. સમયસર કારની પ્રથમ સર્વિસ કરાવવી જોઈએ. આમ કરવાથી તમારી કારને આગળ જતાં કોઈ નુકસાન થશે નહીં. પ્રથમ સર્વિસ પછી પણ બાકીની સર્વિસ પણ સમયસર કરાવી લેવી જરૂરી છે.
વધારે એક્સિલરેટર આપવાનું ટાળો
મોટાભાગે એવું જોવામાં આવે છે કે લોકો નવી કારમાં બિનજરૂરી એક્સિલરેટ આપે છે, જેના કારણે એન્જિન પર ખરાબ અસર થાય છે. આ સાથે ફ્યૂલનો વપરાશ પણ વધે છે. એટલું જ નહીં, ઘણી વખત લોકો એન્જિન બંધ કરતા પહેલાં 2 થી 3 વખત એક્સિલરેટરનો ઉપયોગ પણ કરે છે, જે એન્જિન માટે નુકસાનકારક સાબિત થાય છે. આ કરવાનું ટાળો.
ઓવર લોડિંગ ન કરો
કારમાં બૂટ સ્પેસ ફક્ત માલ સામાન રાખવા માટે છે. પરંતુ ઘણીવાર લોકો જરૂર કરતા વધારે માલ રાખે છે, જેને ઓવરલોડિંગ કહેવામાં આવે છે. કારમાં વધારે સામાન રાખવાથી કારના ટાયર, સસ્પેન્શન અને એન્જિન તેમજ પરફોર્મંસ પર પણ ખરાબ અસર પડે છે.
Towing ન કરો
નવી કારથી બીજી કોઈપણ કારને ટોઈંગ કરવાનું ટાળો. કારણ કે આમ કરવાથી એન્જિન પર સીધી અસર થાય છે. જો કારની સર્વિસ થઈ ગઈ હોય તો આવું કરવાનું ટાળવું જોઈએ.
યુઝર મેન્યુઅલ બુક જરૂર વાંચો
નવી કારનો ઉપયોગ કરતા પહેલાં તેની યુઝર મેન્યુઅલ બુક જરૂર વાંચો. આમ કરવાથી, તમે કાર વિશે ઘણું બધુ જાણશો. જેની મદદથી તમે તમારી કારનો ઉપયોગ વધુ સારી રીતે કરી શકશો.