અમદાવાદ શહેરમાં છેડતી, બળાત્કાર જેવા ગંભીર પ્રકારના ગુનાઓ દિન-પ્રતિદિન વધી રહ્યા છે ત્યારે ચાંદલોડિયા વિસ્તારમાં વધુ એક છેડતીનો કિસ્સો સામે આવ્યો છે.તેવો જ વધુ એક કિસ્સો અમદાવાદના ચાંદલોડીયા વિસ્તારનો સામે આવ્યો છે. જો કે આરોપી સામે પોલીસે ફરિયાદ નોંધી છે.
શહેરમાં છેડતી, બળાત્કાર જેવા ગંભીર પ્રકારના ગુનાઓ દિન-પ્રતિદિન વધી રહ્યા છે ત્યારે ચાંદલોડિયા વિસ્તારમાં વધુ એક છેડતીનો કિસ્સો સામે આવ્યો છે.
ચાંદલોડિયામાં આવેલા એક ફ્લેટમાં ૩પ વર્ષીય મહિલા તેના પરિવાર સાથે રહે છે. મહિલાના પતિ છૂટક મજૂરીકામ કરે છે અને દીકરી રાણીપની એક સ્કૂલમાં અભ્યાસ કરે છે. ગઈ કાલે ઠંડીના કારણે મહિલાની પુત્રી ધાબા પર તડકામાં ભણવા ગઇ હતી અને તેનો અભ્યાસ કરતી હતી ત્યારે પાડોશમાં રહેતો જીતુભાઇ નામનો યુવક ધાબે આવી જતાં વિદ્યાિર્થની નીચે ઘરમાં જતી રહી હતી. દીકરી ઘરમાં આવી જતાં તેની માતાએ કેમ નીચે આવી આમ કહેતાં દીકરીએ માતાને કહ્યું કે પેલા જીતુભાઇ ધાબે આવી ગયા છે એટલે પુસ્તક ઉપર મૂકીને નીચે આવી ગઇ છે. તે જશે બાદમાં તે પુસ્તક લઇ આવીશ. આ સાંભળીને વિદ્યાર્થિનીની માતા ધાબે પુત્રીનાં પુસ્તક લેવા ગઇ હતી ત્યારે જીતુ નામનો શખ્સ પેન્ટ અને અન્ડરવિયર કાઢીને ધાબે બેઠો હતો. મહિલાએ આ યુવકને કહ્યું કે કેમ આમ અહીં બેઠો છે. જીતુ નામના શખ્સે ગુપ્તાંગ પર હાથ ફેરવી મહિલાને બીભત્સ ઇશારા અને છેડતી કરી હતી. સોસાયટીના લોકોએ સોલા પોલીસને જાણ કરતાં પોલીસે યુવક સામે ગુનો દાખલ કર્યો હતો.