દિવસ જાય તેમ બેઠાડુ જીવનશૈલીને કારણે વજનમાં વધારો થતો જાય છે ત્યારે કેટલીક એવી ટિપ્સ જે અપનાવવાથી વજન ઘટશે અને અન્ય રોગોમાં પણ રાહત થશે
વજન ઘટાડવાના અનેક છે ઉપાય
કાચા શાકભાજી પણ છે ગુણકારી
આ શાકભાજીનો જ્યુસ પીવાથી ઘટશે વજન
કુદરતી રીતે મળતી દરેક વસ્તુઓ આપણા માટે લાભદાયી છે પછી તે ફળ, ફુલ કે પછી શાકભાજી હોય. સ્વાસ્થ્ય માટે દરેક વસ્તુઓ ઉપયોગી છે કારણ કે તેમાંથી આપણને કંઇકને કંઇ વિટામિન મળી રહે છે. ત્યારે વાત કરીએ વેઇટ લોસની તો, વજન ઘટાડવા લોકો અવનવા ડાયટ કરે છે. કોઇ ઘઉં ખાતા નથી તો કોઇ ફળો પર જ આખો દિવસ રહે. પરંતુ તમને જણાવી દઇએ કે ફળોની સાથે શાકભાજી પણ વેઇટ લોસ કરવામાં એટલા જ ગુઁણકારી છે.
ટામેટાથી અનેક ફાયદા
ટામેટા આપણે સૌ ખાઇએ જ છીએ.દરેક ખાવાની વસ્તુમાં ટામેટા તો હોય જ.ટામેટાંમાં કેલ્શિયમ, વિટામિન્સ અને ફોસ્ફરસ જોવા મળે છે, આ સિવાય તે એક દવા તરીકે પણ કામ કરે છે, જ્યારે તેમાં ખાસ કરીને લાઇકોપીન જોવા મળે છે, જે એક શક્તિશાળી એન્ટી-ઓક્સીડેન્ટ માનવામાં આવે છે. તે જ સમયે, ટામેટાંનો રસ તમારું વજન ઘટાડવામાં પણ મદદ કરે છે. ત્યારે આવો જાણીએ ટામેટાથી આપણને શું ફાયદો થાય છે.
રોગપ્રતિકારક શક્તિ વધે
ટામેટાંમાં વિટામિન સારી માત્રામાં જોવા મળે છે, ખાસ કરીને વિટામિન-સી, જે રોગપ્રતિકારક શક્તિ વધારવાનું કામ કરે છે, તેની સાથે બીટા-કેરોટીન, લાઈકોપીન, વિટામિન-ઈ વગેરે પણ રોગપ્રતિકારક શક્તિ વધારવાનું કામ કરે છે. ટામેટાંનું સેવન કરવાથી તમે ફ્રી રેડિકલ સામે પણ રક્ષણ મેળવી શકો છો.
વજન નિયંત્રણ થાય
ટામેટાંનો જ્યુસ પીવાથી તમે તમારું વજન કંટ્રોલ કરી શકો છો અને ઘટાડી શકો છો. તમને જણાવી દઈએ કે ટામેટાના રસમાં ફાઈબર જોવા મળે છે, જે વજન ઘટાડવામાં ખૂબ જ અસરકારક છે, સાથે જ ટામેટાંનો રસ આપણા આંતરડા માટે પણ ફાયદાકારક છે, જે પચવામાં વધુ કેલરી બર્ન કરે છે, જેનાથી આપણું વજન ઓછું થાય છે. શરીરને એનર્જી પણ મળે છે.
હૃદય માટે ફાયદાકારક
ટામેટાંનો રસ હૃદય માટે ફાયદાકારક માનવામાં આવે છે. તેમાં જોવા મળતા બીટા કેરોટીન અને લાઈકોપીન જે શક્તિશાળી એન્ટીઓક્સીડેન્ટ ગણાય છે, તે હાઈ કોલેસ્ટ્રોલ, હાઈ બ્લડ પ્રેશર, ફેટ જેવી સમસ્યાઓને ઘટાડવામાં અસરકારક છે, કારણ કે આ સમસ્યાઓ વધવાની સીધી અસર આપણા હૃદય પર પડે છે.જ્યુસનું સેવન કરવાથી તે હાઈ કોલેસ્ટ્રોલ, હાઈ બ્લડ પ્રેશર, ફેટ જેવી સમસ્યાઓમાં ઘટાડો કરે છે. હૃદય સંબંધિત સમસ્યાઓથી છુટકારો મેળવો.
ત્વચા માટે ગુણકારી
જો તમે સારી અને સ્વસ્થ ત્વચા મેળવવા માંગતા હોવ તો ટામેટાંના રસનું સેવન કરવું ફાયદાકારક છે. દરરોજ ટામેટાંનો રસ પીવાથી તમારી ત્વચા સ્વસ્થ રહે છે અને તે કોઈપણ પ્રકારની સમસ્યા જેવી કે પિમ્પલ્સ, ડ્રાય સ્કિન વગેરેથી છુટકારો મેળવી શકે છે.