ના હોય / આ રાજ્યમાં સરકારે આપી દીધી બાળ વિવાહને મંજૂરી? જાણો કેવો આપ્યો આદેશ

• રાજસ્થાનમાં લગ્નનું ફરજિયાત નોંધણી બિલ પસાર
• ભાજપે આ મામલે નારાજગી દર્શાવી વિરોધ નોંધાવ્યો 
• એક મહિનામાં લગ્ન નોંધણી કરાવાનો આદેશ 

રાજ્યમાં બાળ લગ્નનો નોંધણીની પણ મંજૂરી 

રાજસ્થાન વિધાનસભામાં શુક્રવારે વિપક્ષના જોરદાર વિરોધ વચ્ચે રાજસ્થાનમાં લગ્નનું ફરજિયાત નોંધણી બિલને 2021 પસાર કરવામાં આવ્યું છે. આ બિલ પસાર થતાંની સાથે રાજ્યમાં બાળ લગ્નનો નોંધણીની પણ મંજૂરી મળશે. બિલમાં જણાવ્યું છે કે, જો લગ્ન સમયે છોકરાની ઉંમર 21 વર્ષથી ઓછી હોય અને છોકરીની ઉંમર 18 વર્ષથી ઓછી હોય તો માતા-પિતા અથવા વાલીઓએ 30 દિવસની અંદર તેની જાણ કરવી પડશે અને નોંધણી અધિકારી સાથે નોંધણી કરાવવી પડશે. ભાજપે આ બિલ પસાર થવા પર નારાજ વ્યક્ત કરી છે 

વિપક્ષે આ મામલે વિરોધ નોધાવ્યો 

સંસદની કાર્યવાહી દરમિયાન વિધાનસભામાં મુખ્ય વિપક્ષી પાર્ટી ભાજપે પ્રશ્ન ઉઠાવતાં જણાવ્યું હતું કે, નોંધણીની શું જરૂર છે અને બિલનો હેતું શું છે. ભાજપે આ બિલ મામલે અશોક ગહેલોત સામે સવાલો ઉઠાવતાં કહ્યું કે, શું વિધાનસભા આપણે સર્વસંમતિથી બાળ વિવાહની અનુમતી આપે છે? આ બિલ ઈતિહાસના કાળા અધ્યાયને લખશે 

એક મહિનામાં લગ્ન નોંધણી કરાવાનો આદેશ 

આ અંગે રાજ્યના સંસદીય કાર્યના મંત્રી શાંતિ ધારીવાલે જણાવ્યું કે, આ બિલનો હેતું દરેક વિવાહિત વ્યક્તિની નોંધણી કરવાનો રહેશે પછી ભલે બાળ લગ્ન ન હોય. તેમણે વધુમાં કહ્યું કે, સુધારો ક્યાંય એવું નથી કહેતો કે આવા બાળ લગ્ન માન્ય રહેશે. જો કલેકટર કે ડીએમ ઈચ્છે તો તેઓ કાર્યવાહી કરી શકે છે. આ બિલ કેન્દ્વીય કાયદાનો વિરોધાભાસ નથી. લગ્ન પ્રમાણપત્ર એક કાનૂની દસ્તાવેજ છે, જેની ગેરહાજરીમાં વિધવાને કોઈપણ સરકારી યોજનાનો લાભ મળતો નથી.