આપણે કાર ખરીદતા પહેલા સેફટીને સૌથી વધારે મહત્વ આપીએ છીએ. આપણા અને પરિવાર માટે જોખમી કાર ખરીદતા પહેલા દસ વખત વિચાર કરવો પડે. આ સમાચાર તમારા માટે ખૂબ મહત્વના છે.
ઓટો ઈન્સ્યોરન્સ કંપનીનો સ્ટડી
હાઇબ્રીડ વાહનોમાં સૌથી વધુ આગ લગવાનું જોખમ
ઇલેક્ટ્રિક વ્હીકલમાં તો સૌથી ઓછું જોખમ
ઇલેક્ટ્રિક વાહનોમાં આગ લાગવાનું જોખમ સૌથી ઓછું
ઓટોઇન્સ્યોરન્સ ઇઝેડના એક અભ્યાસમાં દાવો કરવામાં આવ્યો છે કે હાઇબ્રિડ વાહનોમાં આગ લાગવાનું સૌથી વધુ જોખમ હોય છે, જ્યારે ઇલેક્ટ્રિક વાહનોમાં આગ લાગવાનું જોખમ સૌથી ઓછું હોય છે.
આજકાલ ઇલેક્ટ્રિક વ્હીકલ્સની બોલબાલા
વલી અધરમાં પૂરું આ અભ્યાસ એવા સમયે કરવામાં આવ્યો છે જ્યારે વિશ્વભરમાં ઇલેક્ટ્રિક વાહનોની સંખ્યા ઝડપથી વધી રહી છે અને સામે EV-સંબંધિત આગની ઘટનાઓ મુખ્ય હેડલાઇન્સ બનાવી રહી છે.
વાહનના એક લાખ યુનિટ દીઠ આગની ઘટનાઓની સરખામણી
આ અભ્યાસમાં વેચાતા વાહનોના દર 100,000 યુનિટમાં આગ લાગવાની ઘટનાઓની તુલના કરવામાં આવી છે. રસપ્રદ રીતે, ICE વાહનો માટે વેચાતા 100,000 વાહનો દીઠ આગનો દર 1,529.9 છે, જે હાઇબ્રિડ વાહનો માટે 3,474.5 કરતા ઓછો છે. ઇલેક્ટ્રિક વાહનોના કિસ્સામાં, આ દર 100,000 વાહનો દીઠ માત્ર 25.1 છે. એનો અર્થ એમ થયો કે ખરીદાતા દર 1 લાખ ઇલેક્ટ્રિક વાહનોમાંથી માત્ર 25 વાહનો જ એવા છે જેમાં આગ લાગવાણી ઘટના બને છે. એ હિસાબે દેખીતી રીતે સૌથી સેફ વાહનો ઇલેક્ટ્રિક વાહનો જ છે.
યુએસમાં 2021માં માત્ર 52 ઇલેક્ટ્રિક વાહનોમાં આગ લાગી
અભ્યાસમાં દાવો કરવામાં આવ્યો છે કે 2021માં યુએસમાં માત્ર 52 ઇલેક્ટ્રિક વાહનોમાં આગ લાગી હતી. તેનાથી ઊલટું, સામે હાઇબ્રિડ વાહનોમાં 16,051 આગની ઘટનાઓ અને 199,533 ઇન્ટરનલ કમ્બશન એન્જિન (ICE) વાહનોમાં આગની ઘટનાઓ નોંધાઈ હતી. આગના કિસ્સામાં ICE વાહનોની સંખ્યા વધુ છે કારણ કે હાઇબ્રિડ અને ઇવીની તુલનામાં રસ્તા પર વધુ ICE વાહનો જોવા મળતા હોય છે.
આગ લાગવાના મુખ્ય કારણ
ઇન્ટરનલ કંબશન એન્જિનથી ચાલતા વાહનોમાં સૌથી વધારે આગ લાગવા પાછળ ઘણા કારણો જવાબદાર છે એમ સૌથી મોટું કારણ છે ફ્યુઅલ ટેન્ક અથવા ફ્યુઅલ લાઇનનું તૂટવું, જ્યારે બીજી તરફ હાઇબ્રીડ અને ઇલેક્ટ્રિક વાહન બેટરીના કારણે આગ પકડે છે.
બેટરીમાં લગતી આગ સૌથી ખતરનાક
બેટરીમાં લગતી આગ ICE વાહનમાં લગતી આગ કરતાં પણ વધારે ખતરનાક હોય છે અને તેને તો બુજાવવી પણ ભારે અઘરું કામ હોય છે.