કોરોના બાદ પ્રથમ બજેટની રજૂઆત સાથે દેશભરની નજર શેરબજાર પર પણ હતી. મહત્વનું છે કે, બજેટની રજૂઆતના દિવસે શેરબજારમાં મોટો ફેરફાર જોવા મળતો હોય જ છે. ત્યારે મહામારી બાદ રજૂ કરાયેલા બજેટમાં શેરબજાર પોઝીટીવ રહ્યું છે. સેન્સેક્સમાં શામેલ 30 કંપનિમાંથી 26ના શેરમાં વધારો જોવા મળ્યો હતો.સેન્સેક્સમાં જાણે સૂનામી આવી હોય તેમ, 1: 49 કલાકે 2000 અંક વધીને 48,300ના લેવલે પહોંચ્યું હતું.
તો સાથે નિફ્ટી 572ના ઉછાળા સાથે 14209ના અંક પર પહોંચ્યો હતો. બજેટની અસરના કારણે બેંકિંગ સેક્ટરના શેરમાં ઉછાળો જોવા મળ્યો હતો. આ સાથે અનેક શેરમાં ઘટાડો પણ નોંધવામાં આવ્યો હતો. જેમાં ટેક મહિન્દ્ર, TCS, HCL ટેક અને HUL સહિતના શેરમાં નોંધપાત્ર ઘટાડો જોવા મળ્યો છે.
ઈન્ડસઈન્ડ બેન્ક 9.06 ટકા વધી 922.95 પર પહોંચ્યો
બેન્ક 5.12 ટકા વધી 564.50 પર પહોંચ્યો
ICICI બેન્ક 5.12 ટકા વધી 564.50 પર પહોંચ્યો
સોનું-ચાંદીની કિંમતમાં થશે ઘટાડો
નાણાપ્રધાન નિર્મલા સીતારમણે જાહેરાત કરી છે કે, મોબાઈલ ટેક્નોલોજી પર કસ્ટમ ડ્યુટીને વધારી દેવાઈ છે. હવે 2.5 ટકા સુધી વધારો કરી દેવાયો છે. જોકે, તેની સામે કોપર અને સ્ટીલમાં ડ્યૂટી ઘટાડવામાં આવી છે. નાણાં પ્રધાન નીર્મલા સીતારમણે કહ્યું કે, સોના-ચાંદીમાં પણ કસ્ટમ ડ્યૂટીમાં ઘટાડો કરાયો છે. પહેલી ઓક્ટોબર સુધી દેશમાં નવી કસ્ટમ નીતિ લાગુ કરી દેવાશે.
સેસ લગાડવાની સરકારની દરખાસ્ત
સીતારમણે કહ્યું કે પેટ્રોલ પર 2.5 પ્રતિ લીટર અને ડીઝલ પર 4 રુપિયા પ્રતિ લીટર ફાર્મ ઈન્ફ્રાસ્ટ્રક્ચર એન્ડ ડેવલપમેન્ટ સેસ લગાડવાની સરકારની દરખાસ્ત છે. તેનાથી મોંઘવારી વધવાના એંધાણ છે કારણ કે તેનાથી ડીઝલના ભાવમાં વધારો થશે. જોકે નાણાપ્રધાને એવું પણ જણાવ્યું કે ગ્રાહકો પર તેનો વધારાનો કોઈ બોજો નહીં પડે.