રણવીર એવોર્ડ લેવા સ્ટેજ પર પહોંચ્યો ત્યારે તેના પેરેન્ટ્સ પણ ત્યાં હાજર હતા અમે એ સમયે જ રણવીર તેના સંઘર્ષના દિવસોને યાદ કરીને ગળગળીત થઈ ગયો હતો.
રણવીર સિંહનો એક ઈમોશનલ વીડિયો સામે આવ્યો
વીડિયોમાં રણવીર સિંહ સ્ટેજ પર ઈમોશનલ થતો જોવા મળ્યો
સંઘર્ષના દિવસોને યાદ કરીને ગળગળીત થઈ ગયો રણવીર સિંહ
બોલિવૂડનો સુપર એનર્જેટિક સ્ટાર રણવીર સિંહ આ દિવસોમાં દુબઈમાં છે અને ત્યાં ફિલ્મફેર મિડલ ઈસ્ટ અચીવર્સ નાઈટ ઈવેન્ટ માટે પહોંચ્યો છે. હાલ જ ફિલ્મફેર નાઈટ પરથી રણવીર સિંહનો એક ઈમોશનલ વીડિયો સામે આવ્યો છે અને એ વીડિયોમાં રણવીર સ્ટેજ પર ઈમોશનલ થતો જોવા મળી રહ્યો છે.
રણવીર સિંહ થયો ભાવુક
રણવીર સિંહને હંમેશા હસતાઅને મસ્તી કરતા જોવાની આદત છે અને એટલા માટે જ તેને ઈમોશનલ જોઈને તેના ફેન્સ પણ ઈમોશનલ થઈ જાય છે. ફિલ્મફેર ઈવેન્ટમાં જ્યારે રણવીર એવોર્ડ લેવા સ્ટેજ પર પહોંચ્યો ત્યારે તેના પેરેન્ટ્સ પણ ત્યાં હાજર હતા અમે એ સમયે જ રણવીર તેના સંઘર્ષના દિવસોને યાદ કરીને ગળગળીત થઈ ગયો હતો.
વિડીયો થયો વાયરલ
એ વાયરલ વિડીયોમાં જોવા મળી રહ્યું છે કે રણવીર બોલ્યો હતો કે 'યાદ છે પપ્પા હું 12 વર્ષ પહેલા પ્રયાસ કરી રહ્યો હતો. હું પોર્ટફોલિયો બનાવવાનો પ્રયાસ કરી રહ્યો હતો. પોર્ટફોલિયોનું ક્વોટેશન 50 હજાર રૂપિયા થયું. મેં કહ્યું પપ્પા આ મોંઘું છે. પપ્પા પછી તમે કહ્યું કે ચિંતા ન કર તારો પિતા હજુ બેઠો છે અને રણવીરે એમ પણ કહ્યું કે મમ્મી તમને યાદ છે કે હું આપણા એ નાના ઘરમાં કેટલું ખરાબ ઓડિશન આપતો હતો.
ચાહકો પણ થયા ભાવુક
રણવીર સિંહના એ વાયરલ વિડીયો જોયા બાદ યુઝર્સે પણ ભાવુક થયા હોય એવું લાગી રહ્યું છે. સોશિયલ મીડિયા પર યુઝર્સ મિશ્ર પ્રતિસાદ આપી રહ્યા છે. રણવીર માટે કોઈક ઈમોશનલ થઈ રહ્યું છે. તો કોઈ દીપિકા ક્યાં છે એમ પૂછી રહ્યું છે અને કોઈ રણવીરને પ્રોત્સાહિત કરતા જોવા મળી રહ્યો છે.
દીપિકાનો ઉલ્લેખ પણ ન કર્યો
જણાવી દઈએ કે આ પહેલા રણવીર ફિલ્મફેર એવોર્ડ નાઈટમાં પણ ઈમોશનલ થઈ ગયો હતો અને સ્પીચ આપતી વખતે રણવીરની આંખોમાંથી આંસુ નીકળવા લાગ્યા. આ પછી તેણે દીપિકા પાદુકોણને પોતાના ઘરની લક્ષ્મી કહી. પરંતુ આ વખતે તેણે દીપિકાનો ઉલ્લેખ પણ કર્યો ન હતો. આ જ કારણ છે કે યુઝર્સ રણવીરની સ્પીચ પર સવાલ ઉઠાવી રહ્યા છે. થોડા સમય પહેલા રણવીર સિંહ અને દીપિકા પાદુકોણ વચ્ચે છૂટાછેડાની અફવાઓ પણ ઉડી હતી પણ દંપતીએ તેમના પર ટિપ્પણી ન કરીને આ અફવાઓને હવા આપી ન હતી.