સુરત સિવિલ હોસ્પિટલને લઈને માઠા સમાચાર સામે આવ્યા છે સુરત સિવિલ હોસ્પિટલમાં દવાની અછત સર્જાતા દર્દીઓને ભારે હાલાકીનો સામેનો કરવો પડી રહ્યો છે
સુરત સિવિલમાં મહત્વની દવાઓની અછત
દર્દીઓએ બહારથી પૈસા ખર્ચીને દવા લાવવાની નોબત
દવાઓની અછતના કારણે દર્દીઓને પડી રહી છે મુશ્કેલી
સુરત સિવિલ હોસ્પિટલને લઈને માઠા સમાચાર સામે આવ્યા છે સુરત સિવિલ હોસ્પિટલમાં દવાની અછત સર્જાતા દર્દીઓને ભારે હાલાકીનો સામેનો કરવો પડી રહ્યો છે ગરીબ લોકોને બહારથી પૈસા ખર્ચીને ખાનગી મેડિકલ સ્ટોર પરથી દવા મેળવવાનો વારો આવ્યો છે સિવિલ હોસ્પિટલમાં છેલ્લા કેટલાક સમયથી મહત્વની કેટલીક દવાની અછત હોવાનું જાણવા મળ્યું છે.
સુરત સિવિલમાં મહત્વની દવાઓની અછત
હોસ્પિટલમાં એસીટોજોલેમાઇટ,એમાયસ્ટાપ્લીન,કાર્બામેપાઝીનની અછત સર્જાઈ છે અન્ય દવાઓ જેવી કે કાર્બામેઝોલ, એસાયક્વોવીર, બીસ્કાડીલ, DECE દવાની પણ ખોટ વર્તાઈ રહી છે. હોસ્પિટલમાં ખાસ કરીને ડાયાબીટસની ગ્લીમપીસીડીન, મેટફોરમીન અને બ્લડ પ્રેશરની ટેલમીસાટન દવાની અછતને લીધે ઘણી તકલીફ પડી રહી છે.
દર્દીઓએ બહારથી પૈસા ખર્ચીને દવા લાવવાની નોબત
મહત્વનું છે કે ચોમાસાની ઋતુ દરમિયાન ચામડીના રોગોની તકલીફ અને એલર્જી થતી હોય છે. ચામડીની તકલીફ સારવાર માટે ઉપયોગમાં લેવાતી એસાઇકોવિર, કલામીન લોશન અને ડી.ઇ.સી.ઇ દવાની અછતથી મુશ્કેલી ઉભી થઇ છે. તો બીજી તરફ માનસિક તકલીફ ધરાવતા દર્દીઓની એસીટોઝેલેમાઇન, એમાઇસ્ટાપલીન, કાબામેપાજીન, કાબામેજોલ તો કિડનીની તકલીફમાં ફુસેમાઇડ, કોલેસ્ટોરની રોઝુવેસ્ટીન જ્યારે હૃદય રોગની આઇસો સોરબીટેટ્રે અને હાડકા મજબુત માટેની કેલસી ફેરોલ સહિતની દવાની અછત હોવાનું સુત્રો જણાવી રહ્યા છે.
ચામડીના રોગ અને વાઇરલ ઇન્ફેક્શનની દવાની અછત
ચામડીના રોગ અને વાઇરલ ઇન્ફેક્શનની દવાની અછત, તો મૂત્રાશયના રોગ માટેની કુસેમાઇડ દવાની પણ અછત સર્જાઈ છે, સિવિલ હોસ્પિટલમાં હ્રદયરોગ માટેની આઈસોસ્પોબીટ્રેટ, રોજુવેસ્ટીન જેવી દવાઓ પણ નથી મળી રહી, તો બીજી તરફ ડાયાબીટીસની ગ્લીસીડીન અને મેટફોર્મિકની પણ ભારે અછત જોવા મળી રહી છે. દવાઓની અછતને કારણે દર્દીઓએ ભારે મુશ્કેલીનો સામેનો કરવો પડી રહ્યો છે.
પૈસા ખર્ચીને દવા લાવવાની નોબત
આમ તો સુરત નવી સિવિલ હોસ્પિટલને ખાનગી હોસ્પિટલોની સમકક્ષ બનાવવાની વાતો કરવામાં આવે છે પરતું હોસ્પિટલમાં દવાની ભારે અછત સર્જાતા હોસ્પિટલ સામે અનેક પ્રશ્નો ઉઠી રહ્યા છે હાલ આ દવાની જરૂરિયાતવાળા ગરીબ દર્દીઓને હાલ બહારના મેડિકલ સ્ટોર પરથી પૈસા ખર્ચીને દવા લાવવાની નોબત ઉભી થઇ છે.