ઇતિહાસ /  શું આ કોમ્યુનિટી સફેદ કપડા પહેરીને કતલ કરતી હતી? આજે પણ એક્ટિવ છે આ સમૂહ?

• ક્લૂ ક્લક્સ ક્લાન એક ખતરનાક સમૂહ છે
• અશ્વેતો માટે ખતરો KKK

ગોરા લોકોનું એક સમૂહ એવુ પણ છે જે અશ્વેતોને મારવા પર ગર્વ કરે છે. આ સમૂહને ક્લૂ ક્લક્સ ક્લાન અથવા KKKના નામથી ઓળખવામાં આવે છે. દુનિયાના કેટલાક સ્થળોએ હજૂ પણ આ ગ્રુપ એક્ટિવ છે તેવુ માનવામાં આવી રહ્યું છે. 

વર્ષ 1865 માં KKK ગ્રુપની સ્થાપના કરવામાં આવી હતી. તે સમયે અમેરિકામાંથી ગુલામપ્રથા નાબૂદ થઇ ચૂકી હતી. તે સમયે ભડકેલા કેટલાક અમેરિકનોએ એક ગ્રુપ બનાવી લીધુ જેથી તે અશ્વેતોને ખાસ કરીને આફ્રિકાના લોકોને નીચુ બતાવી શકે. સ્થાપના વખતે કહેવામાં આવ્યુ હતુ કે, આ ગ્રુપ શ્વેતોની મહાનતાને પુર્નસ્થાપિત કરશે. હકીકતમાં આ ગ્રુપ હિંસા ફેલાવનાર ગ્રુપ હતું. 

જલ્દી જ આ ક્લબ મિટીંગ કરવા લાગ્યુ. તેમનો એકમાત્ર ઉદ્દેશ્ય અશ્વેતોને મારવા, હેરાન કરવા અને નીચુ દેખાડવાનો હતો. આ સમૂહ જંગલમાં પોતાની મિટીંગ કરતુ હતુ. આ ક્લબના લીડરને તેઓ ગ્રાંડ વિઝાર્ટ કહેતા હતા. તેનાથી નીચેના પદને ગ્રાંડ ડ્રેગન. સળગતો ક્રોસ તેમનુ સિમ્બોલ હતું. 

આ લોકો સફેદ કોટ પહેરતા હતા અને મોઢા પર સફેદ કપડુ બાંધતા હતા જેનાથી તેમની ઓળખાણ છત્તી ન થાય. આફ્રિકાના લોકોને આ શ્વેત લોકો બેલ્ટથી મારતા હતા. 

ધીરે ધીરે આ લોકોના સમૂહની સંખ્યા વધતી ગઇ અને 1915માં આ ગ્રુપ ફરીથી બન્યુ હતું.  પાંચ જ વર્ષમાં 4,000,000 મેમ્બર થઇ ગયા હતા. હજૂ પણ ક્યાક આ સમૂહ એક્ટિવ છે.