Viral / હવે કોરોના છે જ ક્યાં ? સુરતમાં કોરોનાની ત્રીજી લહેરને આમંત્રણ આપતો વીડિયો વાયરલ

• શહેરમાં વધુ એક બર્થ ડેની ઉજવણી વીડિયો સામે આવ્યો
• સુરતમાં જાહેર બ્રિજ ઉપર જન્મ દિવસની ઉજવણી કરાઈ
• સુરતમાં જાહેરમાં બર્થ ડે સેલિબ્રેશનનો ઘટનાઓ વધી 

સુરતમાં ફરી સરેઆમ નિયમોના ધજાગરા ઉડતા જોવા મળ્યા છે, સુરતમા બ્રિજ ઉપર બર્થ ડેની ઉજવણી કરતો વીડિયો વાયરલ થયો. વીડિયોમાં જોઈ શકાય છે કે રાહદદારીઓની અવરજવાર હોવા છતા જાહેરમાં બર્થ ડે સેલિબ્રેશન કરવામાં આવતું હોય તેવા દ્રશ્યો કેમેરામાં કેદ થયા છે. આ વીડિયોમાં યુવાનો બ્રિજ ઉપર ડાન્સ કરી એક બીજા ઉપર કેક લગાડતા હોવાનું પણ સ્પષ્ટ દેખાય છે. 
 અગાઉ પણ સામે આવ્યા છે વીડિયો
જાહેરમાં જન્મ દિવસની ઉજવણીના કિસ્સા દિનપ્રતિદિન વધી રહ્યા છે. પહેલા અસામાજિક તત્વોથી લઈ વેપારીઓ અને કેટલાક રાજકીય કાર્યકર્તાઓ પણ જન્મ દિવસની ઉજવણી કરતા કેમેરામાં કેદ થયા હતા. ત્યારે હવે સુરતના જીલાની બ્રિજ પર કેટલાક યુવાનોએ બર્થ ડે ઉજવણી કરી પોલીસ અને પોલિટીશિયન એટલે કે સરકારને પડકાર આપતા હોય તેવા દ્રશ્યો જોવા મળ્યા છે.
વીડિયો સોશિયલ મીડિયામાં વાયરલ

જન્મ દિવસની ઉજવણીમાં વ્યસ્ત આ યુવાનોએ પણ ભૂલી ગયા હતા પરતું કોઈ જાગૃત નાગરિકે સમગ્ર ઘટનાનો વીડિયો ઉતારી લીધો હતો જે બાદ સોશિયલ મીડિયામાં વાયરલ થયો છે વીડિયોમાં જોઈ શકાય છે કે હાથમાં ફમ સ્પ્રે, બોટલ લઈ યુવકો મસ્તીમા મસ્ત હોય તેવું લાગી રહ્યું છે, 

સોશિયલ ડિસ્ટન્સના ધજાગરા ઉડાડ્યા

મહત્વનું છે કે કોરોના હજુ ગયો નથી હાલ કોરોના કેસ ઘટી રહ્યા છે તે જોતા લાગી રહ્યું છે કે લોકો ભાન ભૂલી ગયા છે હજુ પણ કોરોના કેસના આંકડાઓ સામે આવી રહ્યા છે તેમા પણ સંભવિત ત્રીજી લહેરની શક્યાતાઓ જોવા મળે છે. ત્યારે લોકો હવે કોરોના છે જ ક્યાં, એમ માની સોશિયલ ડિસ્ટન્સના ધજાગરા ઉડાડી રહ્યા છે.

કોરોના નિયમોના ધજાગરા ઉડ્યા 

બજારો,રેસ્ટોરન્ટ, પછી ખાવા પીવાની લારી, આવી અનેક જગ્યાઓ કોરોના નિયમોના ધજાગરા ઉડતા જોવા મળે છે તમામ જગ્યાઓ પર લોકો કોરોનાની ત્રીજી લહેરને આમંત્રણ આપી રહ્યા હોય એવા કિસ્સાઓ સામે આવી રહ્યા છે. રોડ ઉપર માસ્ક વગર ફરતા લોકોને દંડ કરવા પોલીસ પેટ્રોલીંગ વધારાય તો ચોક્કસ લોકો જાગૃત બશે તેવું વર્તાઈ રહ્યું છે.