અમરેલી જિલ્લાની નવ નગરપાલિકાઓ 90 કરોડનો વેરો ભર્યો નથી.આ નગરપાલિકાઓ અન્ય લોકો સામે વેરાની કડક વસૂલાત કરતી હોય છે ત્યારે તેઓ જાતે જ વીજબિલ ભરી રહ્યા નથી.
અમરેલી જિલ્લાની 9 નપાના વીજ બિલ બાકી
9 નપાના 93 કરોડથી વધુ નાણા બાકી
PGVCLએ આપી છે બિલ ભરવા નોટિસ
અમરેલી જિલ્લાની કુલ નવ નગરપાલિકાઓએ વીજબિલની રકમ ભરી નથી.સામાન્ય માણસ વીજબિલ ન ભરે તો વીજકંપનીઓ તરત તેનું કનેક્શન કાપી જાય છે ત્યારે કરોડો રૂપિયાનું બિલ બાકી હોવા છતા નગરપાલિકાઓ સામે કેમ કાર્યવાહી કરાતી નથી. 1 હજારનું ખેડૂતનું બિલ બાકી હોય તેમ છતા તેની સામે કાર્યવાહી કરાય છે ત્યારે 90 કરોડની રકમ બાકી રાખનારી નગરપાલિકાઓ સામે ક્યારે કાર્યવાહી કરાશે.
અમરેલી જિલ્લાની નવ નગરપાલિકાઓ 90 કરોડનો વેરો ભર્યો નથી.આ નગરપાલિકાઓ અન્ય લોકો સામે વેરાની કડક વસૂલાત કરતી હોય છે ત્યારે તેઓ જાતે જ વીજબિલ ભરી રહ્યા નથી. અમરેલી જિલ્લાની કુલ નવ નગરપાલિકાઓ અમરેલી, બાબરા,ચલાલા, લાઠી, સાવરકુંડલા,રાજુલા, જાફરાબાદ, બગસરા અને દામનગર આ તમામ નગરપાલિકાઓએ સ્ટ્રીટલાઈટ અને પિમ્પિંગ સ્ટેશનના કરોડોના વીજબીલ PGVCLને ચૂકવ્યા નથી.આ નગરપાલિકામાં કઈ નગરપાલિકાના કેટલા લાખ બાકી છે
અમરેલી નગરપાલિકાનું 7.32 કરોડ
બાબરા નગરપાલિકાનું 10.36 કરોડ
બગસરા નગરપાલિકાનું 14.90 કરોડ
સાવરકુંડલા નગરપાલિકાનું 52.40 કરોડ
ચલાલા નગરપાલિકાનું 3.72 કરોડ
રાજુલા નગરપાલિકાનું 3.10 કરોડ
દામનગર નગરપાલિકા 1.36 કરોડ
જાફરાબાદ નગરપાલિકાનું 10.80 લાખ
અને લાઠી નગરપાલિકાનું 4 લાખનું વીજબિલ બાકી છે.
આમ કુલ મળીને 9 નગરપાલિકા પાસે વીજકંપનીનું 93.35 કરોડનું બિલ બાકી છે. તેમ છતા આ નગરપાલિકાના સત્તાધિશોનું પેટનું પાણી હલતું નથી. PGVCL આ મામલે તમામ નપાને નોટિસ મોકલી છે. અને ચીમકી આપી છે કે બને તેટલું વહેલા બિલ ભરવામાં નહીં આવે તો વીજ કનેક્શન કાપી નાંખવામાં આવશે.
અમરેલી જીલ્લાની બગસરા નગરપાલિકા પર વીજબીલનું સૌથી માટી ભારણ છે. નવ નગરપાલિકાઓ પૈકી એકમાત્ર બગસરા નગરપાલિકાનું જ 14 કરોડથી વધારે વીજબિલ બાકી છે. આ મામલે બગસરાના ચીફ ઓફિસરે વાત કરતા કહ્યું કે, આ વીજ બીલ વર્ષોથી બાકી રહેતું આવે છે. સામે વેરા વસુલાતની આવક ઓછી છે. તેના કારણે હાલ નગર પાલિકા વીજબિલ ભરી શકે તેમ નથી..વેરાની વસૂલાત કરવા માટે અનેક યોજના બનાવી પરંતુ જોવે તેવી સફળતા ન મળતા બિલ નપા ભરી શકતી નથી
આમ અમરેલીની આ નગરપાલિકાના બાકી બીલના કારણે સામાન્ય પ્રજાને પણ ભોગવવાનો વારો આવી શકે છે. નગરપાલિકા જો બિલ નહી ભરે તો જાહેર રસ્તા પરના વીજ થાંભલા અને પમ્પિંગ સ્ટેશન કનેક્શન PGVCL કાપી શકે છે. નપાની ભૂલની કિંમત તમામ લોકોએ ભોગવવાનો વારો આવી શકે છે. તેના કારણે જો વીજબિલ ભરવુ પાલિકા માટે જરૂરી છે.