ગુજરાતની 26 બેઠકો માટે મતદાન યોજાઇ રહ્યુ છે ત્યારે વિવિધ રાજકીય પક્ષોના દિગ્ગજ નેતાઓ આજે મતદાન કરવા માટે ગુજરાત આવી પહોંચ્યા છે.
વડાપ્રધાન મોદીએ કર્યું મતદાન
આજે રાજ્યની 26 લોકસભાની બેઠકો માટે તથા વિધાનસભાની 4 બેઠકોનું પણ મતદાન થઇ રહ્યું છે ત્યારે ગુજરાત આવેલ વડાપ્રધાન મોદીએ રાણીપ ખાતે આવેલ નિશાન સ્કૂલમાં મતદાન કરવા માટે પહોંચ્યા હતા.
વડાપ્રધાન મોદી સામાન્ય નાગરિકની જેમ મતદાતાઓની લાઇનમાં ઉભા રહ્યા હતા અને મતકુટીરમાં જઇને મત આપ્યો હતો. વડાપ્રધાનને મતદાન કર્યા બાદ પ્રજાનું અભિવાદન ઝિલ્યું હતું.
CM રૂપાણીએ કર્યુ મતદાન
આજે રાજ્યની 26 લોકસભાની બેઠકો માટે તથા વિધાનસભાની 4 બેઠકોનું પણ મતદાન થઇ રહ્યું છે ત્યારે ગુજરાતના મુખ્યપ્રધાન વિજય રૂપાણીએ પોતાના વતન રાજકોટ ખાતે મતદાન કર્યું હતું. તેમની સાથે તેમના પત્ની અંજલિ રૂપાણીએ પણ મતદાન કર્યું હતું.
ઉલ્લેખનીય છે કે, ચૂંટણી માટે વહેલી સવારે સીએમ વિજય રૂપાણીએ પરિવાર સાથે મતદાન કર્યું કરવા માટે પહોંચી ગયા હતા. તેમના પરિવારે આ માટે ભારે ઉત્સાહ દર્શાવ્યો હતો.
મતદાન પહેલા મીડિયા સાથે વાતચીત કરતા રૂપાણીએ કહ્યું હતું કે,લોકોએ મોટી સંખ્યામાં મતદાન કરવું જોઈએ. આ સાથે જ તેમણે તમામ બેઠકો પર જંગી બહુમતિથી મળશે જીત તેવો વિશ્વાસ પણ વ્યક્ત કર્યો હતો.
અમિત શાહે પણ મતાધિકારનો ઉપયોગ કર્યો હતો. અમિત શાહે નારણપુરાવિસ્તારમાં આવેલી સ્કૂલમાં મતદાન કર્યું હતું. તેમની સાથે તેમના પત્ની પણ મતદાન કરવા માટે પહોંચ્યા હતા.
ગાંધીનગર લોકસભા બેઠક પરથી કોંગ્રેસના ઉમેદવાર સી.જે.ચાવડાએ પણ મતદાન કર્યું. આ દરમિયાન તેઓએ કહ્યું કે, ગાંધીનગર બેઠક પરથી મારી જીત થશે અને રાજ્યમાં 26માંથી 15થી 16 સીટો કોંગ્રેસ જીતશે.
પાટણના ભાજપના ઉમેદવારે કર્યું મતદાન
પાટણના ભાજપના ઉમેદવાર ભરતસિંહ ડાભીએ મતાધિકારનો ઉપયોગ કર્યો. ભરતસિંહે ખેરાલુના ડભોડાની અનુપમ શાળામાં મતદાન કર્યું અને જીતનો વિશ્વાસ વ્યક્ત કર્યો. મતદાન કરતાં પહેલાં ભરતસિંહે માતાના આશીર્વાદ મેળવ્યા હતા.
પોરબંદરના ધારાસભ્યએ આપ્યો મતદાન
પોરબંદરના ધારાસભ્ય બાબુભાઈ બોખીરિયાએ પોતાના મતાધિકારનો ઊપયો કર્યો. ધર્મપત્ની સાથે પોરબંદરના ધારાસભ્ય બાબુભાઈ બોખીરિયાએ મતદાન કર્યુ અને જીતનો વિશ્વાસ વ્યક્ત કર્યો.
કે સી પટેલે કર્યુ મતદાન
વલસાડ-ડાંગ લોકસભા બેઠકના ભાજપના ઉમેદવાર ડોક્ટર કે સી પટેલે મતદાન કર્યું છે. ડોક્ટર કે.સી.પટેલે પોતાના ગામ વલસાડ જિલ્લાના પારડી તાલુકાના પરિયામાં પ્રાથમિક શાળામાં પોતાની પત્નીને સાથે રાખી મતદાન કર્યું હતું.
મહત્વપૂર્ણ છે કે ડોક્ટર કે સી પટેલ 2014માં વલસાડ-ડાંગ લોકસભા બેઠક પરથી બે લાખ 8 હજાર વોટ ની લીડ જીત્યા હતા. તો આ વખતે પણ વલસાડ-ડાંગ લોકસભા બેઠક પર ભાજપના બે લાખથી વધુ વોટથી જીત સે. તેવો આશાવાદ વ્યક્ત કર્યો હતો.
અમરેલી બેઠકના કોંગ્રેસના ઉમેદવાર પરેશ ધાનાણીએ પણ પોતાના મતાધિકારનો ઉપયોગ કર્યો. પરેશ ધાનાણી પોતાના પરિવારજનો સાથે મતદાન મથકે પહોંચ્યા હતા. પરેશ ધાનાણી અને તેમના ભાઈ શરદ ધાનાણી અને માતા મતધિકારનો ઉપયોગ કર્યો હતો.
પરબત પટેલે બનાસકાંઠામાં કર્યું મતદાન
ભાજપના ઉમેદવાર પરબત પટેલે બનાસકાંઠામાં પોતાના વતનમાં ભાચરમાં મતદાન કર્યું. ધર્મપત્ની સાથે પરબત પટેલ મતદાન મથકે પહોંચ્યા હતા. અને મતાધિકારનો ઉપયોગ કર્યો હતો.
પરથીભાઈ ભટોળે કર્યું મતદાન
કોંગ્રેસના ઉમેદવાર પરથીભાઈ ભટોળે પાલનપુર તાલુકાના પોતાના ગામ રતપુરમાં મતદાન કર્યું છે..રતનપુર ગામમાં સૌથી પહેલા પરથીભાઈ ભટોળે મતદાન કર્યું છે.
લલિત વસોયાએ ધોરાજીમાં મતદાન
કોંગ્રેસના ઉમેદવાર લલિત વસોયાએ ધોરાજીમાં મતદાન કર્યું. ધોરાજીની આદર્શ સ્કૂલમાં મતદાન કરી જીતનો વિશ્વાસ વ્યક્ત કર્યો. જો કે, મતદાન શરૂ થતાં પહેલાં ઈવીએમમાં ખામી સર્જાઈ હતી.જેના કારણે 15 મિનિટ મોડું મતદાન શરૂ થયું હતું.
વિવિધ વિસ્તારના નેતાઓનું મતદાન
રાજ્યની 26 બેઠકો પર લોકસભા માટે મતદાન થઈ રહ્યુ છે. ત્યારે સુરેન્દ્રનગરના ભાજપના ઉમેદવાર મહેન્દ્ર મુંજપરાએ મતદાન કર્યુ છે. મહેન્દ્રભાઈ મુંજપરાએ પોતાના પરિવાર સાથે ફાઈન આર્ટસ કોલેજમાં મતદાન કર્યુ. દાહોદના લોકસભાના ભાજપના ઉમેદવાર જસવંતસિંહ ભાભોરે પણ મતદાન કર્યુ.
જસવંતિસિંહ ભાભોર પોતાના પરિવાર સાથે મતદાન કરવા માટે પહોંચ્યા. આ ઉપરાંત જૂનાગઢના ભાજપના ઉમેદવાર રાજેશ ચૂડાસમાએ પણ મતાધિકારનો ઉપયોગ કર્યો. રાજેન્દ્ર ચૂડાસમાએ ચોરવાડની કન્યાશાળામાં મતદાન કર્યુ.
બીજી તરફ તાપીમાં બારડોલીના કોંગ્રેસના ઉમેદવાર તુષાર ચૌધરીએ પણ મતાધિકારનો ઉપયોગ કર્યો. તેમણે મતદાતાની લાઈનમાં ઉભા રહીને મતદાન કર્યુ. અરવલ્લીના કોંગ્રેસના ઉમેદવાર રાજેન્દ્ર ઠાકોરે પણ મતદાન કર્યુ. તેમણે ધનસુરાના ગુજેરી ગામમાં મતદાન કર્યુ. રાજેન્દ્ર ઠાકોરે પોતાના પરિવાર સાથે મતદાન કર્યુ.
NCP નેતા શંકરસિંહ વાઘેલાએ આપ્યો પોતાનો મત કહ્યું દેશમાં નવી સરકાર રચાશે તેવી આશા.
પરસોતમભાઈ સબરીયાએ કર્યું મતદાન
સવારે સાત વાગ્યાથી રાજયભરમાં મતદાનની શરૂઆત થઈ છે. ત્યારે હળવદના પૂર્વ ધારાસભ્ય અને ભાજપના ઉમેદવાર પરસોતમભાઈ સબરીયા આજે હળવદ વિધાનસભા બેઠકની પેટા ચૂંટણી અને લોકસભાની ચૂંટણી માટે મતદાન કર્યું હતું અને ત્યાર બાદ બહુમતીથી જીત હાંસલ કરવાનો દાવો કર્યો હતો.
ડો.તુષાર ચૌધરીએ મતદાન કર્યું
તાપીના બારડોલી બેઠકના કોંગ્રેસના ઉમેદવાર ડો તુષાર ચૌધરીએ મતદાન કર્યું છે અને પોતાના મતાધિકારનો ઉપયોગ કર્યો. પૂર્વ મુખ્યમંત્રીના પુત્ર તુષાર ચૌધરીએ લાઈનમાં ઊભા રહીને મતદાન કર્યું હતું. આ સાથે જ લોકોને મોટી સંખ્યામાં મતદાન માટે અપીલ કરી.
મનસુખ વસાવાએ રાજપીપળામાં મતદાન કર્યું
ભરૂચના સાંસદ મનસુખ વસાવાએ રાજપીપળામાં મતદાન કર્યું અને પોતાના મતાધિકારનો ઉપયોગ કર્યો. આ સાથે જ લોકોને મોટી સંખ્યામાં મતદાન માટે અપીલ કરી. મનસુખ વસાવા મૂળ રાજપીપળાના વતની છે.
ડેપ્યુટી સીએમ નીતિન પટેલે કર્યું મતદાન
ડેપ્યુટી સીએમ નીતિન પટેલે કડીમાં મતદાન કર્યું. ત્યારે મતદાન બાદ તેઓએ કહ્યું કે, દરેક જાગૃત નાગરિકે મતદાન કરવુ જોઈએ. મતદાનથી જ સશક્ત સરકાર રચાશએ. તો સાથે જ નીતિન પટેલે રાજ્યમાં 26માંથી 26 બેઠક ભાજપ જીતશે તેવો વિશ્વાસ વ્યક્ત કર્યો હતો.
ધારાસભ્ય જીગ્નેશ મેવાણીએ કર્યું મતદાન
તો આ તરફ ધારાસભ્ય જીગ્નેશ મેવાણીએ અમદાવાદના અસારવા વિસ્તારમાં મતદાન કર્યુ. જીગ્નેશ મેવાણીએ અસારવાર વિસ્તારમાં આવેલી ભગવતી સ્કૂલમાં મતદાન કર્યુ.
હાર્દિક પટેલે વિરમગામમાં કર્યું મતદાન
કોંગ્રેસના નેતા હાર્દિક પટેલે પણ મતદાન કર્યુ. હાર્દિક પટેલે વિરમગામમાં મતદાન કર્યુ છે.
હિતુ કનોડિયા અને નરેશ કનોડિયાએ કર્યું મતદાન
ગુજરાતી કલાકાર હિતુ કનોડિયા અને નરેશ કનોડિયા પણ મતદાન કરવા પહોંચ્યા હતા. અમદાવાદના શાહીબાગ ખાતે હિતુ કનોડિયા અને નરેશ કનોડિયાએ મતદાન કર્યું અને લોકોને પણ મતદાન કરવા અપીલ કરી હતી.
વિવિધ નેતાઓએ કર્યું મતદાન
ધ્રાંગધ્રામાં ભાજપ ઉપાધ્યક્ષ આઈ.કે.જાડેજાએ મતદાન કર્યુ છે. આઈ.કે.જાડેજાએ હાથીખાના મતદાન મથકમાં મતદાન કર્યુ. તો બીજી તરફ વાસણભાઈ આહિરે તેમના માદરે વતન કચ્છના રતનાલમાં મતદાન કર્યુ. કોંગ્રેસના દિગ્ગજ નેતા અહેમદ પટેલે મતદાન કર્યું છે.પૂર્વ મુખ્યમંત્રી કેશુભાઈ પટેલએ કર્યું મતદાન.
અહેમદ પટેલે પુત્ર ફેઝલ પટેલ સાથે અંકલેશ્વરમાં મતદાન કર્યુ. ગુજરાત ભાજપ પ્રદેશ અધ્યક્ષ જીતું ભાઈ વાઘાણી એ પોતાના પરિવાર સાથે આજે ભાવનાગર માં કુમાર સરકારી છાત્રાલયમાં મતદાન કર્યું.