રાજ્યમાં ગુમ થયેલા બાળકો બાબતે ગૃહરાજ્યમંત્રીદ્વારા અધિકારીઓ સાથે બેઠક યોજવામાં આવી હતી. ગૃહરાજ્ય મંત્રી દ્વારા ગુનો ઉકેલવા માટે ક્રાઈમ ડીટેક્શનમાં ટેકનોલોજીનો વધુ ઉપયોગ કરવા સૂચન કર્યું હતું.
ગૃહરાજ્યમંત્રીની અધિકારીઓ સાથે બેઠક
રાજ્યમાં ગુમ થયેલા બાળકો બાબતે બેઠક
કાયદા વ્યવસ્થાની સ્થિતિ અંગે પણ સમીક્ષા
રાજ્યમાં ગુમ થયેલા બાળકો બાબતે ગૃહરાજ્યમંત્રી હર્ષ સંઘવીએ સમીક્ષા બેઠક યોજી હતી. ગૃહ વિભાગના ઉચ્ચ અધિકારીઓ સાથે સમીક્ષા બેઠક યોજવામાં આવી હતી. જેમાં મિસિંગ ચાઈલ્ડને શોધવાની કામગીરીને વધુ અસરકારક બનાવવા ચર્ચા થઈ હતી. તેમજ ક્રાઈમ ડિટેક્શનમાં ટેકનોલોજીનો વધુ ઉપયોગ કરવા સૂચના અપાઈ હતી. ગૃહરાજ્યમંત્રી હર્ષ સંઘવીના અધ્યક્ષ સ્થાને મળેલી આ બેઠકમાં રાજ્ય કાયદા વ્યવસ્થાની સ્થિત અંગે પણ સમીક્ષા કરવામાં આવી હતી.
Held a marathon meeting of the Home department, today.
Discussed over a few important points covering the E-FIR review, consultation on the cases of missing kids, planning of police housing and Gujarat Industrial Security Force. pic.twitter.com/QulRLxTDhu
બાળ તસ્કરી ચિંતાનો વિષય બની ગયો છે
બાળ તસ્કરીનું દુષણ ધીમે ધીમે વકરી રહ્યું આ મુદ્દો પોલીસ માટે પણ એક ચિંતાનો વિષય બની ગયો છે. જો કે આરોપીઓ સુધી પહોચવામાં પોલીસ સફળ પણ થાય છે. થોડા સમય અગાઉ એક દંપતિને બાળક સાથે પકડી પાડ્યા હતા. બાળ તસ્કરી કરતા થાણેના દંપતિની અમદાવાદ ક્રાઇમ બ્રાન્ચે એક મહિના પહેલા જ ધરપકડ કરી હતી. એક મહિના પહેલા અમદાવાદ ક્રાઈમ બ્રાન્ચે બાળ તસ્કરીનાં આરોપીઓ ઝડપ્યા હતા
એક મહિના અગાઉ અમદાવાદ ક્રાઈમ બ્રાન્ચ દ્વારા પકડાયેલ દંપતિ આ બાળક હિંમતનગર પાસેથી રેશ્માભાઇ રાઠોડ નામની વ્યક્તિ મારફતે રૂપીયા 2 લાખ 10 હજારમાં લાવ્યા હતાં. જે નવજાત બાળક હૈદરાબાદ ખાતે ઉમા બોમ્માડા નામની એજન્ટને વેચવા માટે જઇ રહ્યા હોવાનું ખુલ્યું છે. જો કે આ નવજાત બાળક હકીકતમાં કોનું છે, આ બાળક કેવી રીતે પહોચ્યું તે અંગે તપાસ શરૂ કરીને મૂળ માતા પિતા સુધી પહોચવા માટે પોલીસએ તજવીજ શરૂ કરી છે. પોલીસ તપાસમાં આ સિવાય પણ અન્ય ચોંકાવનારા ખુલાસા થયા છે. બાળ તસ્કરીનું નેટવર્ક આંધ્રપ્રદેશ અને મહારાષ્ટ્રમાં મોટા પ્રમાણમાં ચાલી રહ્યું હોવાનું જાણવા મળ્યું છે. જ્યારે એજન્ટો બાળકી માટે ચોકલેટ અને બાળક માટે લોલીપોપ જેવા કોડવર્ડનો પણ ઉપયોગ કરતાં હોવાનું પણ બહાર આવ્યું છે. બાળ તસ્કરીના ગુનામાં અગાઉ પણ પોલીસ ચોપડે ચડ્યા છે આરોપીઓ
એક મહિના પહેલા બાળ તસ્કરીમાં પોલીસના હાથે ઝડપાયેલ દંપતિ છેલ્લા કેટલાક વર્ષથી બાળ તસ્કરી જેવા ગંભીર ગુના સાથે સંકળાયેલ હોવાથી આ સિવાય પણ અન્ય કોણ બાળકોની તસ્કરી કરીને ક્યાંય કોઇને વેચ્યા છે કે કેમ તે અંગે પણ પોલીસએ તપાસ શરૂ કરી છે. આરોપીને આ બાળક ઉમા બોમ્માડાને આપવાથી રૂપીયા 5 લાખ મળવાના હોવાનું પણ તપાસ દરમિયાન સામે આવ્યું છે.જ્યારે આરોપી બિપીન ઉર્ફે બંટી અગાઉ ડિસેમ્બર 2020માં મહારાષ્ટ્ર, મલાડ, માલવની પોલીસ સ્ટેશનમાં બાળ તસ્કરીના ગુનામાં પકડાયેલ હતાં.